(RAEOA-OE-CUSSE) Baki -Diretora Eskola Ensinu Sekundaria Geral Baki (sigla-ESGB) hamutuk ho profesor no Estudante Sira Selebra Loron aniversario nasional Forsa Armada Libertasaun Nasional Timor-Leste (sigla-FALINTIL) ba dala 50 Iha Aldeia Baki, suku Nai Meco ,Posto Administrativu Pante Makasar Rejiaun Administrativu Espsial Oe-cusse Ambeno (sigal-RAEOA).
Diretora Eskola Ensinu Sekundaria Geral Baki (sigla-ESGB) Chrishdarieante Rampi Anuno hateten,selebra loron FALINTIL ba dala 50 Importante tebes ba sidadaun hotu,hodi hanoin fila fali heroi sira nebe funu Iha prosesu libertasaun nasional.
“tamba heroi sira nia luta,ita hetan liberdade iha tempu agora, ho nune’e importante liu ba estudante sira atu esforsu a’an no estuda makas no Profesor sira atu hala’o sira nia kna’ar ho disciplina no tenki hatudu komportamentu diak ba estudante sira atu kontribui iha nasaun Timor-leste nia diak, atu nune’e prepara ba sira nia futuru aban bainrua nian.” hateten, Diretora Eskola (ESGB) Chrishdarieante Rampi Anuno, ba jornalista media mudansa Iha ambitu komemorasaun loron falintl, RAEOA 20/08/2025.
Nia salienta atividade ne’ebe ohin Eskola Ensinu Sekundaria Geral Baki (sigla-ESGB) halo ba komemorasaun loron FALINTIL mak hanesan atraksaun Drum Band no sira seluk tan.
“Maibe eskola ida ne laos mak ohin foin hala’o atividade hanesan kada loron nasional sira semre halao Iha Eskola refere “Nia dehan.
Nia husu ba estudante sira atu estuda makas no esforsu a’an hodi kontinua dezenvolve nasaun Timor-Leste ba futuru enkuantu Iha ambitu seremonia komemorasaun nee, hetan partisipasaun maximu husi estudante Eskola Ensinu Sekundaria Geral Baki (sigla-ESGB), Profesor sira no komunidade balun inklui mos estudante estajiariu husi Universidade Nasional Timor lorosae’e (sigla-UNTL).
Jornalista :Rogerio Anuno
Editor :Sandi Bello
