(OE-CUSSE), Santa Rosa- Komandu Polisia Nasional Timor-leste (sigla-PNTL) Rejiaun Administrativa Espesial Oe-Cusse Ambeno (sigla-RAEOA) nafatin rejistu no simu kandidatu foun ba vaga rekrutamentu polisia periodu 2025.
Iha intrevista Komandu Polisia Nasional Timor-Leste (Sigla-PNTL) RAEOA superintendente polisia Angelo Quelo hateten, Komandu Polisia Munisipiu Oe-Cusse (RAEOA) nafatin serbisu tuir orientasaun husi komando jeral inklui simu formulario ba rekruta PNTL no hahu husi loron 6 fulan Agostu Tinan 2025 semana kotuk, hafoin ne’e Komandu PNTL RAEOA simu ona rekrutamentu foun no fahe Formulariu ba aplikante sira antes halo verifikasaun ba dade no tuir kriteria katak husi idade 18 to’o 23.
“Dadus aplikante sira ne’ebe mak aplika ona total hamutuk 1,327 ne’e barak mak la pasa iha alturas no barak maka idade nebe liu ona, no sira ne’ebe mak la pasa iha idade no alturas haruka sira fila maibe nafatin registu sira nia naran no alturas, ita fo obrigadu ba sira katak maske kondisaun hanesan ne maibé sira hakarak kompete ba iha situasaun ida ne’e” hateten Komandu PNTL (RAEOA) Quelo ba jornalista sira iha nia kna’ar fatin,RAEOA foin lalais ne’e
Nia dehan, hahu husi loron hahu husi inisiu rejistasaun hetan ona aplikante 554 no formulario ne’ebe iha aplikante sira prense tuir kriteria ne’ebe fó sai ona husi komandu Jeral, no hahu husi loron 12 fulan Augustu ato’o loron 9 fulan Setembro tinan 2025 hodi intrega fila fali ba komando Jeral.
“ita sei entrega formulariu sira nebe aplikante prienje ona, hahu husi loron 12 fulan agostu to’o loron 9 fulan setembru tinan 2025” nia deklara
Superintendente polisia Agelo Quelo mós hato’o Mensajem ba joven sira ne’ebe iha area rurais ne’ebe mak sidauk asesu ba iha vaga ne’e, tempu sei to’o iha loron 29 fulan Augustu tinan 2025 no nune’e mos sira ne’ebe foti ona formulario antes atu prense formulario ne’e tenke prense ho diak no kuidadu.
Jornalista. : Rogerio Anuno
Editor. :Sandi Bello
