(Díli) Taibessi –Jonzínho Batista hanesan joven ida ne’ebé iha hanoin rasik atu buka moris mesak liu husi fa’an escampur, maske loron manas anin rai-raun maibé nia la sente kolen no la sente manas, nia kontinua halibur-an, tanba presiza buka osan atu sustenta uma laran no fó kontinuidade ba nia kursus.
Negosiante ambulante Jonzínho Batista Lafob hatete, moris hanesa negosiante ambulante, motivasaun ida ne’ebé husi uma laran ba nia atu buka moris mak sira nia familia, ne’ebé hela iha uma laran menus sira presiza buat hotu, liu-liu hahan no buat seluk atu suporta moris lor-loron nian.
“La’os ha, u mak hakarak foti desizaun atu fa’an escampur, maibé tanba ha’u hare iha uma laran buat barak maka laiha, entaun ha’u tenki iha hanoin ida no foti desizaun hodi nune’e ha’u komesa fa’an escampur hodi bele sustenta ba familia uma laran nian,” dehan Jonzínho Batista ba jornalista Média Mudansa iha merkado Taibessi ,Quinta, 26/06/2025
Negosiante ne’e deklara, foun-foun nia fa’an escampur ne’e nia aprende husi nia maun, tamba nia maun mós fa’an ho ida ne’e mak nia mós kontinua fa’an escampur, husi sasan sira ne’ebé nia uza ba hodi sai escampur maka uza nu’u be’en mutiara fore rai paun agar-agar no sira seluk tan.
“Kada loron ha’u fa’an, ka dalaruma mak hetan osan $40 dolar, maibé iha tempu seluk de’it hetan $30 ka menus tanba, ema la sosa osan ne’ebé ema sosa escampur, ha’u rai $20 no $20 dolar seluk ha’u uza fali atu sosa sasan ba fa’an iha loron tuir mai nian, osan balu ne’e mós ha’u fó ba ha’u nia ama no apa atu bele ajuda sira sosa fali hahan”,hakotu nia
Jornalista: Inácio Silva/ Estagiada, Esperança Soares Amaral
Editora: Gaudencia Belo
