(Díli) Portu Díli – Fokuperss World vision no FEO hala’o atividade Selebrasaun loron mundial ba feto ho objetivu promosaun ba empoderamentu ekonomia dereitu feto nian no mos iha aspektu oi-oin liuhusi sira nia produtu rasik.
Tuir Diretora Executivu Fokuperss Domingas Afonsu Amaral hatete, objetivu husi programa ne’e maka oinsa fó espasu ba iha feto maluk sira no liu-liu ba benefisiariu sira ne’ebe husi Munisipiu rua mak hanesan ZEEMS-RAEOA (Oecussi) no Covalima atu sira bele empodera sira nia ekonomia iha akspektu oi-oin liuhusi sira nia produtu rasik.
“Hanesan Homan Tais no halo Agrikutura no mos balun halo arte jenatu no iha Covalima ita hare katak maioria ne’e moris ho agrikultor mak barak liu, entaun sira ne’ebe mak sai hanesan ita nia benefisiariu husi munisipiu rua ne’e sira bele hetan abilidade, koñesimentu no oinsa atu jere sira nia negosiu,”Dehan diretora Fokuperss ba jornalista sira iha Portu Díli (06/03/2025)
Nia haktuir, Fokupers servisu kolabora ho parseiria sira hodi halao atividade oi-oin ho nune’e bele Eleva liu tan benefisiariu sira nia koñesimentu iha parte kbi’it ba ekonomia no oinsa atu jere sira nia fundus no negosiu rasik.
“Tanba ita hetene katak sé bainhira feto ida mesak mak kapasita no empoderada, nia mos presisa apoiu husi familia sira mak hanesan laen oan no komunidade sira ne’ebe besik,”hateten nia.
Nune’e mos nia deklara, entaun iha programa refere enkaixa ho ema hotu-hotu ne’ebe mak besik iha sira nia hela fatin no komunidade sira hotu-hotu bele hola parte no fo suporta ba feto sira no grupu sira ne’ebe existe ona.
“Programa ida husi parte Fokupers nia ita foti papel impertante mak oinsa atu halo advokasia entaun ita hare esforsu balun mak ita halo ona husi programa ne’e no fo empoderamentu ba sira” nia relata.
Diretoraa ne’e hatutan, Papel importante husi Fokuperss nian mak oinsa atu asegura kopremisiu estadu no liu-liu ba iha empoderamentu ekonomia feto, tamba empoderamentu feto ne’e hola pare iha atividade sira no oinsa atu promove igualidade jereru iha sosiedade nia le’et.
“Orsamentu fixu ne’e mak hau la dekor maibe ita iha orsamentu naton atu bele halo treinamentu no liu-liu ba iha formasaun sira no halo advokasia iha nivel altu no mos oinsa atu halo promosaun ba sira nia produtu ne’ebe iha” nia salienta.
Entretantu atividade selebrasaun loron mundial feto ne’e organiza husi Fokuperss, Word Vision no FEO no hetan partisipasaun masimu husi benefisiariu Fokupers no husi representate membru governu Serkretariu estadu igualidade jeneru (siga portuges-SEI) no director word vision, no NGO internasional Uniaun Europeia.
Jornalista /Estajiadu : Zemidonio martins/estaziadu Jaquelino Andrade
Editor :Sandi Bello
