(Ainaro) Maubisse- Konsellu Imprensa (sigla portuges-CI) hamutuk ABC Internasionál Development, Fasilita Formasaun ba Jornalista sira Wainhira Uza media Sosial tenki asegura seguransa ho di’ak iha espasu online.
Formadora ABC Internasionál Development Fiona Churchman hateten ABC Internasionál Development ho konsellu de Impresa (sigla portuges-CI) halo kooperasaun durante tinan rua (2) hodi fo kapasitasaun ba jornalista sira ho topiku ne’ebe diferente hanesan iha Munisípiu Bobonaro, Baucau no mos Ainaro.
“Durante ne’e ami nia koperasaun di’ak ho Konsellu de Imprensa (sigla portuges-CI) ami halo ona formasaun barak, ami kria ona reportajen Investigativu, atu halo reportajen ba eleisaun no formasaun reportajen ba inkluzivu, ba futuru ami sei halo formasaun ba Jornalista sira hodi kapasita nafatin jornalista sira iha Timor-Leste liliu saida mak Jornalista Timor Oan presiza ami sei fahe mos formasaun plataforma digital nian.” Hateten Formadora ABC Internasionál Development Fiona Churchman ba Jornalista sira iha Salaun Sara Maubisse Foin lalais ne’e.
Iha fatin hanesan Prezidente Konsellu de Impresa (sigla portuges-CI) Otelio Ote dehan, formasaun ne’e hanesan aumenta Jornalista sira nia Kapasidade no koñesimentu atu jere no publika informasaun ne’ebe los ho Kredivel iha media sosial no mos jornalista tenki hatene asegura informasaun iha espasu online.
“Ita hotu hatene ameasa husi Media sosial hahu mosu ona, ho objetivu atu limite jornalista sira atu halo kobertura tanba ne’e formasaun ohin ne’e atu husu Jornalista sira bele hases a’an husi ameasa sira, atu oinsa Jornalista sira hatene no oinsa prevene an husi ameasa sira ne’e, Tanba tempu ida agora ne’e Jornalista barak mak sai vitima ba ameasa, ho nune’e husi formasaun ida ohin ne’e atu kapasita jornalista sira atu prevene an husi ameasa.” nia Salienta
Entretantu iha formasaun ne’e hetan partisipasaun masimu husi Jornalista sira husi media hanesan, RTTL.EP, GMN TV, Timor Post, Dili Post, Jornal Independent, Lafaek News, Sap News, Loluwari, Neon Metin Media Labeh, Media Mudansa, Media One Timor, Radio Comunidade Liquiça, Radio Comunidade Aileu, Radio Comunidade Maubisse, inklui mos Radio Comunidade Ema ho Defisiénsia, no total partisipasaun ba iha formasaun ida ne’e Jornalista hamutuk, Sanulu resin ne’en (16).
Jornalista : Inácio Silva
Editor :Sandi Bello
