(Dili) Lahane-Negosiante Juliana Soares Feto ne’ebe forte no forsa prontu foti dezizaun hodi halo negosiu iha dalan ninin tanba oan nia estudu no hodi suporta nesesidade uma laran, nia la sente kolen no la sente baruk no haforsa nafatin nia aan hodi luta mesak ba nia oan sira nia futuru,maske loron manas no udan tau maibe nia sumbrina satan netik iha tempu hodi kontinua fa’an, ho fuan no domin tomak nia nafatin hadomi nia serbisu hanesan fa’an iha dalan ninin.
Negosiante Juliana Soares hatete, dahuluk nia loke negosiu ne’e kreditu husi instituisaun Moris Rasik hafoin husi ne’e nia hodi sosa Tua Sabu no sigaru hodi fa’an iha dalan ninin besik iha areadores Pertamina Lahane nia oin.
“Primeiru ha’u atu loke Negosiu ki’ik ida ne’e ha’u ba halo Kreditu Osan iha Instituisaun Moris Rasik Depois ida ne’e hotu mak ha’u hala’o Negosiu ida ne’e”, dehan negosiante Juliana ba media mundansa iha Lahane foin lalais ne’e.
Juliana haktuir, faan tua sabu tamba oan nia necesidade eskola no mos fasilita nia nesesidade uma laran, hafoin tua ne’ebe nia fa’an maske hetan rendimentu kiik maibe nia Nafatin esforsu hodi buka osan atu nune’e labele tane liman ba ema seluk.
“Tua ne’ebe ha’u faan dalaruma ami sosa tutan husi ema no dalaruma ha’u nia katuas oan mak Tein rasik mak ha’u lori mai faan,Tua ne’ebe mak ha’u faan Loron ida dalaruma ema mai sosa masa ida ou rua ha’u hetan osan dolares amerikanu $10 (sanulu) no bele mos dolares amerikanu $20 (rua nulu), hafoin Osan sira ne’ebe ha’u hetan ha’u uza ba Nesessidade uma laran no selu ba oan sira nia eskola no selu Kost,”nia sublina.
Julian argumenta, nia fa’an Tua sabu hahu husi aqua ki’ik ne’ebe ho presu dollares amerikanu $1,00 (ida) no iha aqua bo’ot ho presu dolares amerikanu (ida sentavus liam nulu ) $1,50 no dolares amerikano (tolu) $3,00 hafoin husi presu sira ne’e nia hetan deit ho pursentu ne’ebe mak ki’ik.
Entrretatu negosiante Juliana Sores origen husi Munisipiu Manatuto,Postu administrativu Laclubar,Suku Mane lima,Aldeia Futumanu no Dadaun ne’e nia hela iha Díli,Lahane Osidental no hela hamutuk ho oan nain lima (5) kompostu husi mane nain rua (2) no Feto nain tolu(3).
Jornalista/Estajiada :Zemidonio C. Martins/Hilario Chyfan
Edítor :Sandi Bello
