(Díli) Mudansa- Domin Iha Nia Objektivu atu ema rua Suporta no kuidadu malu ,no domin hanesan emosaun ida ne’ebé kompleksu no iha aspetu oioin ne’ebé bele susar atu define, tanba bele iha forma oioin no bele esperiénsia iha maneira oioin. Jeralmente, domin bele komprende hanesan sentimentu klean ida kona-ba afetu, kuidadu, no apego ba ema ka buat ruma.
Sarianty Grasia hanesan joven ida ne’ebe la moe atu buka moris liu-husi fa’an ai-funan iha areadores Universidade Da Paz (UNPAZ) nia oin, hamutuk ho nia parseriu (namoradu), aproveita buka oportunidade iha seremonia graduasaun no Yudisium hodi buka osan.
“ diak liu itrua aproveita ema yudisium no gradua hanesan hodi buka osan, entaun diak mak ne’e ita rua tenki koko to’ok fa’an ai-fuanan iha dalan ninin atu nune’e ita rua bele iha osan rahun rasik hodi uza ba ita rua nia nesesidade loro-loron tanba ita rua mai husi munisipiu ne’be keta-ketak maibé ita rua tenki esforsu hamutuk” Hateten Sarianty Grasia Ba Jornalista Media Mudnasa Iha Resinto UNPAZ Foin Lalais Ne’e.
Nia salienta Husi prosesu ne’ebe la fasil husi familia ne’ebe la hanesan, maibe parseriu refere iha komitementu ne’ebe hanesan hodi buka osan hamutuk no sustenta necesidade loron-loron ida-idak nian, tamba posisaun ne’ebe hanesan estudante iha ona ideia rasik hodi kria kampu servisvu ba a’an.
“Prosesu Aprende Fa’an Ai-Funan Husi Ema Seluk, ba Tinan Ida Ne’e Ami Rua Fa’an Rasik Ai-Funan Ho Osan $20 Dolar, Estudante Hanesan Mai Iha Dili Ne’e Buat Hotu-Hotu Ita Laran Metin Deit Ba Inan, Ne’e Ladun Diak Entaun Ita Tenki Esforsu Mes-Mesak, Sé Wainhira Ita Gradua Ita Labele Husi Bebeik Ba Sira Ida Nemaka Ami Rua Hakarak Hili Dalan Liu Husi Fa’an Ai-Funan ”nia haforsa
Hahu husi dader-san to’o lorokraik rendimentu depende ba ema sosa ai-funan ne’ebe sira fa’an,hahu ho dollares amerikanu ($20) rua-nulu, maibe wainhira lao ho rendimentu mak diak dalaruma loron id abele hetan dollares amerikanu hat-nulo($40) ba kada loron.
“ Ami Rua Fa’an Husi Dader To Lokraik Hetan $40 Ba Leten Maibé Depende Deit Ba Ema Ne’ebe Sosa Balu Diak Ida Hotu Balu Diak Ida La Hotu Ami Rua Bele Lori Fila Fali Ba Uma, Ai-Funan Ne’ebe Ami Rua Fa’an Ne’e Ami Rua Ba Hola Iha Loja Lapan Lapan Kada Ai-Funan Ida $1 Dolar, Ami Hola Ba Fa’an Fali Ida $10 Dolar $5 Dolar ” nia konta
Negosiu sai hanesan alternativu ida atu bele resolve ekonomia familia, barak tenki halai ba rai liu no barak mak sei nafatin halerik ba kampu servisu iha rai timor-leste, tamba ne’e altenativu nebe’e bele ajuda maka halo negosiu iha dalan ninin, maske rendimentu ki’ik maibe bele apoiu netik moris ba loron aban no bainrua nian.
Entertantu negosiu nebe’e sira halo alienede fa’an ai-funan, sira mos fa’an ai-moruk Herbal HWI liuhusi on-line ka social media, enkunatu Sarianti Grasia orijin husi munisipiu manu-fahi, posto administrativu same, suku hola-rua, aldeia Tirilolo.
Jornalista :Inácio Silva
Editor :Sandi Bello
