(Díli) Mudansa- Negosiante Domingas de Deus faan etu iha merkadu Taibesse sente la seguru wainhira komunidade no negosiante balu soe lixu besik iha nia faan fatin tanba bele fó impaktu ba nia saúde.
Negosiante ne’e hatete, durante nia faan sasan iha area refere sente la komfortável bainhira lixu lekar besik iha nia faan fatin no iss makas
“Ekipa Jestaun Merkadu halo aviza beibeik ba negosiante sira iha merkadu Taibesse labele soe lixu arbiru no soe karik tenki tuir nia tempu, no tuir oras, maibé negosiante sira lafiar no lahalo tuir nafatin ekipa jestaun merkadu nia servisu, esplika negosiante Domingas de Deus ba jornalista Média Mudansa iha merkadu Taibesse, Segunda 6/01/2025
Nune’e kada loron Sexta negosiante sira
Nune’e kada loron Sexta negosiante sira sempre halo limpeza jeral iha merkadu Taibessi, maibé negosiante balu la kumpri hodi halo limpeza.
“Ami iha ne’e kada loron Sexta ami negosiante sira halo limpeza jeral, maibé balun la halo limpeza no mantein nafatin faan sira nia sasan durante hala’o limpeza jeral iha merkadu Taibesse,” dehan nia
Nia dehan, Dala barak negosiante sira uza rasik sira nia osan hodi aluga karosa tula foer ba fakar iha lixeiru fatin.
Nia apela ba negosiasiante Taibessi labele soe lixu arbiru se lae bele fó impaktu ba ema nia saúde no ba ambiente.
“Ekipa seguransa jestor merkadu nafatin halo seguransa no fó aviza beibeik ba negosiante sira iha merkadu Taibesse maibé negosiante sira lahalo tuir buat ne’ebé mak ekipa seguransa jestor merkadu nia servisu,” tenik nia.
Jornalista: Zemidonio Martins
Editora: Sandi Belo
