(Dili) Mudansa- Sekretariu Estadu no Floresta (SEF), Kuda Ai-parapa 100 no monta Estaka iha Suku Sabuli, posto administrativu Metinaro, Munisipiu Díli, area nia Luan Hektare Rihun ida rua nulu resin-ida (1021 KM²) no implementa tuir Dekretu Lei numeru 5/2016/16 Fulan Marsu Kona ba, sistema nasional area Protegida No Fortalesimento Lei hodi promove sustentabilidade Rekursu iha Areas protegidas inklui proteje rekursu naturais.
Tuir Secretario Estadu Floresta (SEF) Fernandino Vieira da Costa hateten, markasaun ba area protegida Ida ne’e, ofisialmente deklara Fatin ne’e sai hanesan patrimoniu Estadu no hanesan area Protejida estadu nian.
“Husi gerasaun ba gerasaun iha dever no obrigasaun para atu proteje, tuir dekretu Lei numeru 5/2016/16 Kona ba sistema nasional ba area protegida, markasaun orsida halo Ida ne’e sai hanesan patrimoniu estadu nian ba futuru oin mai ” Hatete SEF ba jornalista sira, hafoin remata seremonia, Metinaro (22/11/2024)
Nia haktuir, Servisu Ne’ebe Sekretariu Estadu Floresta (SEF) halo, baseia ba linha kordenasaun entre diresaun jeral, autoriedade lokal no linha minsteriais sira hafoin bele tama ba markasaun.
“Antes to’o iha prosesu demarkasun Ida ne’e Liu husi prosesu naruk, Liu husi sensibilizasaun, no Liu husi konsultasaun ho direisaun geral Floresta (DGF) hamutuk ho ekipa ho Autoridade lokal Sira, hafoin tama ba Demarkasaun ba loron ohin nian “, Dehan SEF.
Sekretariu Estadu ne’e salienta, prosesu nebe parte hotu halo, Liuhusi dalan legal no laos ilegal Tamba antes nee iha ona prosesu sensibilizasaun husi Entidade hotu.
“Iha Ita Nia Lei balun Mak koa’lia Kona-ba area protegida nian, katak metru lima nulo (50 M) husi Tasi to’o iha Rai Maran nee prepriedade dominu estadu nian” Nia sublina
Nune’e mos Nia argumenta, politika Governu Da-sia (9) konstituisional mos hakerek programa prioriedade 14 ne’ebe difini ona katak, oinsa Mak atu halo jestaun ba area protegida Sira iha Timor-Leste, iha area protegida 46, no 44 mak area protegida Terestre (Rai maran) nian no area Protejida 42 mak Marina (Tasi Laran) nian. No iha balun mak difinitivu ona no balun mak sei provizoriu.
“Maibe Ita luta no Servisu hamutuk nafatin ho tekniku Sira ne’ebe mak iha, no Liu husi diresaun nasional konservasaun no Eko Turismu sira ” Nia hatutan.
Entretantu Iha serimonia ne’e hetan partisipasaun masimu husi Presidente Autoridade Munisipiu PAM Dili ) Gregorio da Cunha Saldanha, Sekretario Estadu Terras da Propriedades Jaime Xavier Lopes, Administrador Postu Metinaro, Guarda Floresta no komunidade Postu Administrativu Metinaru, Municipio Dili.
Jornalista : Zemidonio Martins
Editor : Sandy Belo
