(Liquisa) Mudansa – Ministerio Agrikultura Pekuaria Peskas no Florestas MAPF), Liu husi Sekretariu estadu Flotesta (SEF), Ofisialmente hatur Fatuk Dahuluk ba konstrusaun moru sentru viverus permanente (CVPM) iha Munisipiu Liquisa, Postu Administrativu Maubara, Suku Vatubou Aldeia Samanaro.
Tuir Sekretariu Estadu Floresta (SEF), Fernandino Veira Da Costa hateten, Objetivu husi Konstrusaun moru Centru Viveirus Permanente (CVPM) hodi bele asegura no proteze Patrimonia estadu no Rekursu Florestal hanesan Ai-horis ne’ebe kada tinan nafatin produs iha Fatin ne’e, Ho nune’e bele hetan produtividade no hasa’e sustentabilidade iha futuru oin mai inklui mos asegura funsionamentu Servisu funsionariu Guarda Flotesta ne’ebe halao atendementu ba públiku iha Centru Viveirus Permanente Maubara, posto administrativu likisa (CVPM).
“Hau Mai iha ne’e hamutuk ho presidente Autoridade Munisipiu Liquisa nian. Ami halo Lansamentu premeira pedra ba konstrusaun moru haleu sentru viverus permanente Iha Munisipiu liquisa Postu Administrativu maubara suku Vatuvou Aldeia samanaro hodi asegura rekursu Florestal” Dehan Sekretario estadu Flotesta (SEF) ba jornalista sira iha Suku Vatubou (22/11/2024).
Nia haktuir, projetu Ida ne’e rasik husi Ministerio Agrikultura Pekuaria Peskas e Floresta, Liu husi Sekretariu estadu Flotesta (SEF) hodi kontrola no halao konstrusaun ba moru haleu sentru Viveirus Permanente.
” Manan nain ba prozetu ne’e mak husi kompaña lokal Munisipiu Liquisa nian, no Liu husi aprovazionamentu hodi halao konstrusaun Ida ne’e ” SEF Afirma.
Nia hatutan, Sekretariu estadu Flotesta (SEF) no Ministerio Agrikultura Pekuaria Peskas e Florestas sente orgullu ba prosesu ida ne’e, maibe nafatin fo hanoin ba kompaña atu nune’e bele finaliza projetu konstrusaun ne’e ho kualidade nebe diak.
” importante Liu Mak oinsa bele kuidadu nafatin kualidade projetu ne’e. No nune’e bele fo benefisia ba povo Sira, hanesan parte Governu kompaña sai hanesan parseiru Ida atu nee Ita bele Servisu kopera malu ho diak liu tan iha futuru” SEF deklara
Nia salienta, projetu ne’e Nia durasaun fulan ne’en (6), ho orsamentu total $200mill dolar, maibe bazeia ba tenderizasaun nebe’e mak iha kompaña nebe sai manan nain sei hetan deit ho total orsamentu 185 Mill dollares amerikano.
“Sekretariu estadu Floresta (SEF), sei fo nafatin apoiu ba kompaña Jonter Construction, Lda, atu nee Nia bele halao Servisu ho diak no tuir Nia tempu ne’ebe mak termina ona iha kontratu” Nia deklara.
Entretantu iha seremonia lansamentu nee hetan partispasaun masimu husi Presidente Autoridade Munisipiu Liquisa (PAM Likisa) no representante administrtador Postu Administrativu Maubara, Autoridade Lokal suku Vatubou, komunidade aldeia Samanaro inklui seguransa guarda Floresta Munisipiu Likisa
Jornalista : Zemidonio
Editor : Sandy Belo
