Ermera(Mudansa)-Komunidade Iha Posto Letefoho,Suku Launa no Aldeia Leubasa,Catrai Craic, Preokupa Tebes Ho natureza Udan Ben ne’ebé mak tinan ne’e la fo isin diak hodi fo impaktu ba sira nia Produtu agrikola no Horti Kultura.
“ami aldeia Leubasa udan agora tarde,hanesan kuda batar mos tarde liu udan la iha antaun buat hotu la iha,udan iha kontas mos iha,talas mos iha,ai-farina mos iha,koto mos iha,fehuk mos iha,hanesan buat hotu –hotu iha,mais tinan ida ne’e udan tarde buat hotu-hotu la isin” dehan Marcos da Silva ba jornalista sira iha Aldeia Leubasa Suku Launa 21/11/2024
Nia hatutan, kompara ho klima tinan kotuk no tinan ida ne’e diferente los,tanba tinan kotuk udan tuir nia tempu no halo sira nia produtu buras no folin diak tebes,maibe ba tinan ida ne’e komunidade sira la iha rendimentu ne’ebé mak diak tanba mudansa klima.
“buat hotu-hotu ami garantia ho udan ben deit,hanesan udan mai ami kuda udan la mai ami la kuda maibe tinan ne’e ami la dun hetan osan tanba udan ben ladiak,hanesan batar mos ami balun la kuda tanba udan mai tarde rai malirin, entaun ami kuda deit maka talas no koto,tanba ita hare ba tinan kotuk udan mai pas-pas maibe tinan ida ne’e lae”nia haktuir
Iha fatin hanesan Autoriedade suku Launa, Miguel Maia Gomes hateten,tinan ne’e komunidade Launa enfrenta problema bo’ot mak hanesan bailoron naruk (El-nino) hodi fo afeta ba komunidade sira nia plantasaun Kafé no produtu sira seluk.
“ hau hakarak relata deit kona-bá situasaun ne’ebé maka dadaun ne’e komunidade suku Lauana enfrenta, tanba ita ko’alia kona-bá mudansa klimatika ne’e buat bo’ot ida, ita hare ba situasaun real liga ho mudansa klimatika ne’ebé akontese bailoron naruk ne’e afeta ba Bé’e matan maran no plantasaun moris ladiak liu-liu ita hare Café,no produtu lokal sira hanesan,Batar,Fehuk,Talas,Koto,Kontas no seluk tan ne’ebé sira iha” dehan Autoriedade Lokal
Iha sorin seluk Sefe Suku, Catrai Craic Carlos da Costa Soares relata, asuntu mudansa klimatika hanesan problema global ne’eb’e iha mundu,no ema hotu konsidera katak ida ne’e problema sosial ida ne’eb’e komunidade enfreta liu-liu iha suku Catrai Craic rasik no iha tinan ne’e la fo benefisiu ba Produtu agrikola no horti kultura.
“hau hanoin ita ko’alia liu kona-bá mudansa asuntu mudansa klimatika buat ida ne’ebé bot teb-tebes, tanba nia impaktu ne’e maka bo’ot,nia problema primeiru halo tempu udan ho bailoron ne’e la hanesan kuandu iha udan,udan liu tiha,bailoron naruk ne’e,bailoron naruk liu tiha,tanba ne’e maka nia impaktu ne’e bot hodi sai impede tiha komunidade agrikultor sira labele kuda sira nia produtu lokal sira ne’eb’e maka iha fatin rural,tanba deit impaktu udan ho anin estraga produtu lokal barak depois bailoron ho bai loron naruk ”tenik Xefe Suku Catrai Craic.
Tuir observasaun jornalista husi media 15 ne’ebé realiza media tour husi Dili ba Ermera iha loron 19/11/2024, banhira viajen to’o iha Munisipíu Ermera observa katak maioria komunidade sira nia to’os, produtu lokal menus inklui mos Café ne’ebé maka tinan ne’e la fo fuan ho diak.
Entre tanto notisia mudansa klimatika ne’e publika tanba Asosiasaun Jornalista Timor-Leste(AJTL) servisu hamutuk ho Oxfam Timor-Leste no hetan apoiu husi Oxfam Honkong.
Jornalista : Remigia Locateli
Editor : Sandy Belo
