Ermera(Mudansa)– Kero hanesan tradisaun suku Lauana Posto Admistrativu Letefoho Munisipíu Ermera nia, ne’ebé tinan-tinan sira sempre halo bainhira udan monu no udan mai tarde
‘” Objetivu husi kultura ida ne’e ami halo hodi bolu udan, banhira udan la mai halo bai-loron naruk no fo impaktu ba ami nia moris, Ami bolu udan para modo sira buras, no fo Moris ba animal ho ita ema, tanba banhira udan la Mai no modo sira ami kuda la moris hotu”, dehan Lia Nain ba jornalista Sira iha Uma Lisan Comoluli, Aldeia Hohulu, Suku Lauana iha Tersa 19/11/2024
Nia haktuir, knua neebe partisipa serimonia kultural nee mak husi leldu, Komuli, Dasu Mau, Mau Libu, letebu ho Bihahe, sira ne’e uma lisan boot mak Liildu no nia ukun iha uma kain (27).
“konaba mudansa klimatika Avo sira desde beiala sira hanorin katak kuandu bailoron naruk demais sira tenki bolu udan sira bolu udan nee atu fo matak malirin iha ema hotu hotu, tanba udan la mai entaun ami halo ami nia kultura atu bolu”, dehan Nia
Nia haktuir tan, kutura bolu udan ne’e desde husi beila sira nia tempu neebe husik hela ba sira, nune’e hanesan jerasan foun hodi hatutan nafatin iha kada tinan hodi bolu udan been iha bee matan 4.
“Iha be’e matan ha’at ida naran Soi Laka, Fahi-luha, Hurtelesu no Binumata,sei husu iha ida primeiro nee udan la mai husu da kedua mak la mai husu da terceiro husuda terceiru la mai husu da kuatru ne’e tenki mai ne’e princiio husi avo sira nia cultura la soe” , dehan Nia
Iha Fatin hanesan, reprezentante joventude aldeia Hohulu Hipolitu Soares haktuir katak, prosesu kultural ida ne’e kada tinan sira sempre realiza iha banhira besik udan monu rai ho objetivu atu bolu udan been ho Lia dadoli munisipiu Ermera Postu Letefoho, suku Lauana nian atu nune’e bele fo resultadu diak ba komunidade sira nia produtu liu-liu Café, Tales, Batar, fehuk ropa no seluk tan ne’ebé sira iha.
“Prosesu kultural Ida ne’e kada tinan sempre akontese tuir beiala sira nia tempu banhira udan monu rai, no ami iha ne’e iha bee matan 4, neebe ema hanaran soilaka, fahiluan, no Agora dadaun avo Sira Lao husi Uma lisan desde horseik no deskansa iha fahi Luhan, hodi bolu udan ho Lia dadoli”, dehan Hipolitu
Objetivu prinsipal husi kultura ida ne’e atu halo prevensaun ba mudansa klimatika, tanba mundansa klimatika nia prevensaun mai husi kultura tanba ita la dun tau respeitu Ita nia kultura entaun bele akontse udan, rai monu no rai halai, maske kada tinan governu lakon Osan barak maibe Ida ne’e kontinua akontese.
“Hau rekomenda ba estdu atu tau importante ba ita nia kultura tanba xave importante ba nasaun nian mak kultura, nunee estadu tenke tau matan nafatin ba kultura hodi apoiu ruma atu ami komunidade sira atu bele hadia bee matan sira no halo prevensaun rum atu rai labele halai beibeik”, nia hakotu
Tuir Informasaun ne’ebé jornalista sira asesu bainhira hala’o medía tour iha Posto Letefoho Suku Lauana no Catrai Craik Kero La’os deit tradisaun ka ritual kuiñesidu iha suku Lauana, maibe kuase Munisipíu Ermera tomak utiliza hotu ritual Ida ne’e sai hanesan intervensaun ba Mudansa Klimatika.
Jornalista Inácio Silva
Editor: Sandy Belo
