Lautem(Mudansa)-Iha tempu bailoron naruk rezulta ba animál sira ne’ebè lokaliza iha área Parke Nasionál Nino Konis Santana hanesan rusa liu-liu iha Parte Illa Jaco nian.
Iha Fatin hanesan Xefe Suku Bauro Florindo Miranda hateten, Kestaun menus bee-moos iha parke nasionál iha tinan hirak liu ba mós akontese ho bailoron naruk ne’ebé hamosu rusa barak mate no atua husi Ministériu Agrikultura Pekuaria Peskas no Floresta nia ekipa konsege lori bee ba rusa sira iha Illa Jaco.Nia dehan Suku hirak ne’ebé menus bee-mos iha parke nasionál mak Suku Com iha Postu Administrativu Lautem, Munisípiu Lautem ho Suku Bauro iha administrativu Lospalos, Munisípiu Postu Lautem.
“Tuir dadus ne’ebé iha, Suku Com iha aldeia ne’en mak Aldeia Vailovaia, Muapusso, Lohomatu, Etepiti, Pitileti no Ira-Ono ho populasaun hamutuk 3871, kompostu husi feto 1906 Mane 1936, Xefe Família hamutuk 883 no Suku Com ho nia luan 48.42.km²”.nia dehan
nia Deklara Iha Suku Bauro, Postu Administrativu Lospalos, Munisípiu Lautem ho totál populasaun hamutuk 3840, kompostu husi mane 1948 no feto hamutuk 1892 no Xefe Família hamutuk 821.
“Parke Nasionál Nino Konis Santana nu’udar parke nasionál dahuluk ne’ebé kria iha Timor-Leste ho área totál 1.236 km² ne’ebé 556 km2 hanesan área tasi nian ne’ebé riku ho formasaun korál”.nia dehan
Nia afirma tan katak Iha Área parke nian inklui rai no Paizajen tasi nian oioin, inklui ahu-ruin sira neʼebé luan no mós área boot liu ne’ebé sei moris hosi rai-maran tropikál sira no ai-laran tropikál mosaun nian iha illa Timor. Área terrestre no tasi nian inklui habitatante oioin, ne’ebé destaka tanba biodiversidade hosi sira-nia flora no fauna. Iha nia laran lokáliza área konservasaun habitante no populasaun manus importante tolu ne’ebé dezignadu hanesan IBA, Area Manu importante hosi programa neʼebé dezenvolve hosi Bird Life International. Área sira-ne’e maka: TL06 Loré, TL07 Foho Paitcha’u no Lagoa Iralalara no TLO-Illa Jaco iha parke ne’e nia laran iha manu espésie 25 neʼebé endémiku iha Timor no illa sira ne’ebé besik, inklui kakatua sulfuroza, manu-fuik ho krista mean.
Husi kaptura ba komérsiu internasionál, no espésie endémika Timon green pigeon (Treron psittaceus), Timor imperiál pigeon (Ducula cineracea) no Timor sparrow (Padda fuscata), ida ikus ne’e konsidera vulneravel hosi IUCN tanba lakon ai-laran mosaun nian iha illa Timor.dehan Xefe Suku Bauro Florindo Miranda ba Jornalista sira iha Lospalos-19/11/2024
Jornalista Inácio Silva
Editor: Sandy Belo
