Ermera (Mudansa)-Francisco da Silva ho idade 55 esforsu ke’e debu ba komunidade uma kain sanulu iha suku Leubasa Postu Admistrativu Letefoho Munisípiu Ermera
“Be’e ne’e uluk desde avó nia tempu bé la iha inisiu Indonezia nia tempu rai ne’e halai tun ba no bé ne’e mosu, nia mosu mai mós seidauk ke’e, nalihun hela iha rai leten depois ha’u foti fali ai-suak hau ke’e tiha hotu ha’u hada, depois bé ne’e mosu kontinua to’o agora, nune’e tuir fali mai Permatil ho Tilofe mai halo konservasaun primeiru kolam rua iha leten, konservasaun fatin rua ne’e uluk ami mak ke’e rasik, ita bo’ot sira mai konserva bé hodi ami kontinua, ami mós konserva Debu antigu, maske la fó benefísiu barak maibé ami bele moris”, dehan nia ba jornalista sira bainhira halao média tour ba iha Munisípiu Ermera, Postu Administrativu Letefoho, Suku Leubasa, Tersa, 20/11/2024
Nia hatutan bainhira debu ne’e seidauk iha, komunidade iha aldeia Leubasa uma kain sanolu ne’ebé pertense ba be matan ne’e difisil tebes atu asesu ba bé,kuase lao ain ho kilometru tolu foin hetan bé,liu husi Fransisco da Silva nia esforsu bele hakman ona sira nia preokupasaun.
“Uluk pasadu liu ba ami kuru bé tesik liu ba hospital nia leten ne’e ba ohin eskola nia kraik nia tun ba ne’e to’o bé ne’e mosu ami uja hotu bé ne’e to tempu agora, ha’u nia esforsu maka bé ne’e to’o ohin loron kuaze komunidade sira iha Aldeia ida ne’e utiliza hotu, kuandu bailoron naruk ami labele uza atu haris no fó hemu animal ami só bele kuru hodi hemu no uja ba tein de’it”, nia akresenta
Enkuantu komunidade refere mós hetan apoiu husi Permatil no Tilofe iha tinan 2021 fulan Maio banhira bé ne’e maran no konserva fila fali husi grupu rua refere.
Iha fatin hanesan Abrão Maia hanesan koordenador movimentu konservasaun Bé (MKB) Leubasa hanesan mós ekipa servisu Tilofe nia hateten, atividade konservasaun bé matan Rahein hetan apoiu orsamentu husi Permatil hodi aloka ba Tilofe atu konserva fila-fali bé refere ne’ebé lokaliza ba iha uma lisan Bihahi konsumu husi uma kain 27.
“Iha atividade konservasaun bé matan Rahein ne’e lokaliza iha uma lisan Behahi no uma kain 27 maka uja bé ida ne’e, atividade refere hetan apoiu orsamentu husi Permatil mai iha Tilofe no Tilofe maka tun ba hodi halo konservasaun iha ne’ebá iha 2021 ita halo atividade konservasaun bé matan Rahein ita hatene katak iha momentu bé matan rahei seidauk hetan konservasaun nia maran iha fulan Maio la to’o fulan Agostu entaun ho atividade konservasaun ita bele hamoris fila-fali bé matan ida ne’e, agora nia komesa bo’ot fila-fali moris to’o udan monu rai mós nia la maran”, dehan nia
Grupu rua ne’e mós esforsu ona ba debu Rahei atu labele maran maka bainhira sira halo konservasaun kontinua kedas ho re-florestasaun atu halo prevensaun ba bé matan sira iha Leubasa labele maran iha tempu bailoron naruk, inklui sensilibiliza informasaun kona-ba komunidade sira nia maneira konservasaun bé
Entretantu debu ne’e mosu iha tinan 1995 bainhira Francisco da Silva ho idade 24 no esforsu ne’ebé nia kontinua halo ba bé matan to’o agora maka, nia kuda ai-bubur metan haleu bé matan sira atu nune’e debu labele maran iha tempu bailoron naruk.
Jornalista: Remigia Locateli
Editora: Sandi Belo
