KI : Husu Entidade Estadu No Polisia Hotu Tenki Respeita Jornalista Nia Servisu

banner 120x600

(Díli) Mudansa- Konsellu Imprensa (CI sigla Portugés) liu hosi Konfernsia Imprensa hateten,aktu detensaun hasoru Jornálista Diligente Antonieta Kartono Martins no aktu hadau Jornálista Suzana Cardoso husi Autóridade seguransa bainhira halo kobertura ba prosesu eviksaun iha Merkadu Comoro nu’udar aktu tentativa no ameasa hasoru liberdade imprensa iha Timor-Leste.

Konsellu Imprensa (CI sigla Portugés) nu’urdar instituisaun Independente Estadu nian neʼebé hala’o nia knaar importante sira tuir Lei Komúnikasaun Sosiál, Artigu 44° atu garante liberdade imprensa no liberdade espresaun iha país ne’e. Espesiálmente, iha ámbitu vizita Amu Papa nian.

KI kontinua ezerse ninia mandatu hodi garante no promove liberdade imprensa atu kanál Mídia no Jornálista sira halo sira nia atividade Jornálistika ho livre iha kontestu kobertura no públikasaun,presizamente, entidade sira Estadu nian, liu-liu aparellu Estadu nian hanesan Polisia tenta atu respeita Mídia no Jornálista ninia servisu iha terreñu,atu aprovita oportunidade ida-ne’e, ha’u hakarak hato’o kolega Jornálista no públiku katak aktu detensaun hasoru Jornálista Diligente Antonieta Kartono Martins no aktu hadau Jornálista Suzana Cardoso husi Autóridade seguransa bainhira halo kobertura ba prosesu eviksaun iha Merkadu Comoro nu’udar aktu tentativa no ameasa hasoru liberdade imprensa iha Timor-Leste nu’udar país Demokrátiku,aktu ne’e la merese akontese tanba Jornálista sira halo hela sira ninia papél kontrolu sosiál iha país Demokrátiku ida-ne’e hodi garante dezenvólvimentu país nian ne’e tuir planu no programa ne’ebé iha ona,”dehan Porta-Voz Isabel Fernandes bá jornalista sira liu hosi konferensia Imprensa iha KI Kintal Boot kuarta-Feira(04/09/24)

Porta-Voz ne’e relata, Aktu ida-ne’e kontra momós Konstituisaun RDTL, Artigu 40° no 41° ne’ebé garante liberdade imprensa no informasaun lolós no kredivél sein impedimentu husi parte ne’ebé de’it.

Aktu seguransa nian hodi detein Jornálista no hadau no estraga ekipamentu Jornálista nian mós kontra Lei Komsos, Artigu 8° no 10° ne’ebé ko’alia kona-bá liberdade imprensa,liberdade informasaun no sensura ka ‘censorship’, aktu seguransa nian ne’e mós konsidera nu’udar aktu sensura ba informasaun ne’ebé tuir lolós públiku tenki hetan nu’udad direitu báziku ema nian, maibé ida-ne’e la akontese, atu garante sidadaun hotu-hotu nia Direitu atu asesu bá informasaun, meius komúnikasaun sosiál no Jornálista sira tenke livre no servisu iha ambiente ida-neʼebé seguru no hakmatek nu’udar haktuir iha Konstituisaun, Artigu 40° no 41° liu-liu, iha kontestu kobertura nian, “tenik Isabel Fernandes

Iha fatin hanesan Prezidente Otelio Ote mós hatutan,Imprensa triste bá akontesimentu ne’e tanbá Autoridade Polísia sira hatene ona Lei kona-bá aspetu legál husi Lei komúnikasaun sosiál no la konsege halo asaun ida-ne’e.

klaru katak Imprensa bá akontesimentu ne’e tanbá Autoridade Polísia sira hatene ona Lei kona-bá aspetu legál husi Lei komúnikasaun sosiál no la konsege halo asaun ida-ne’e Jornálista hatudu nia identidade kartaun primeiru ida-ne’ebé Konsellu Imprensa reforsa ona, Polísia hatene katak Jornálista sira iha liberdade atu asesu ba informasaun iha fatin públiku, tanbá fatin ne’ebé sira la atua iha liña Polísia bandu atu hetan asesu iha ne’ebá, asaun ka reasaun ne’ebe aktividade Jornálista nian labele akontese,kazu ne’e akontese horiseik iha komúnikasaun ne’e l sai hanesan Preokupasaun bá kazu ne’e no sei deside automatikamente la simu no Konsellu Imprensa nia Pozisaun mak atu halo notifikasaun bá Parte sira ne’ebé iha detensaun bá kolega sira no konsellu empréstimu nia pozisaun la’ós bá sidadaun ida-idak entidade ida-ne’ebé limita Jornálista sira-nia liberdade no koko atu asegura katak Jornálista sira-nia servisu inklui forma informasaun ne’ebé Jornálista sira uza,” tenik prezidenti KI Otelio Ote

Nia afirma,Konsellu Imprensa nian iha KI nia oin tenke simu uluk keixa husi Jornálista ida bá konsellu imprensa agora laiha posibilidade atu fó komentáriu barak kona-bá asuntu ida-ne’e kona-ba asaun ne’ebé sei iha kompromisu atu limita de’it Jornálista sira atu kobre fatin públiku.

Prosesu tuir mai atu hein keixa husi Jornálista ida ka média ne’ebé nia servisu atu hatene kronolojia akontesementu ne’e, tanbá nia koko atu prepara oinsá atu foti desizaun sira ne’ebé ita halo bá públiku,ami hamutuk atu luta hasoru liberdade espresaun no imprensa iha Timor-Leste hahalok ida-ne’ebé akontese mai ha’u ne’ebé sai hanesan presaun boot ba nasaun demokrátiku Timor-leste nian iha tempu ne’ebá.” Prezidenti Otelio Ote hakotu

Jornálista: Inácio Silva/Estagiadu Lino Josman

Editóra: Delfina Borges

banner 325x300