(Díli)-Palasiu Governu- Governu Liu Husi Sekretariu Estadu Komunikasaun Sosial (sigla-SEKOMS) realiza enkotru hamutuk ho Konsellu Imprensa Timor-leste (Sigla-KITL), hodi diskute kona-ba Pre-Liminariu Revizaun Lei Komunikasaun Sosiál ne’e mak sei realiza iha semana oin loron 14 fulan agostu tinan 2025.
Sekretáriu Estadu Komunikasaun Sosial Expedito Loro Dias Ximenes Hateten,diskusaun pre-eleminariu revisaun lei komnuikasaun sosial sei kontinua diskute hamutuk ho Konsellu Imprensa Timor-Leste (sigla-KITL) iha semana oin, hodi hare fila fali subtansia lei komunikasaun sosial ne’ebe maka uluk produs husi membru Deputadu Governu Da-Ne’en (XI) konstitusionál iha tinan 2004.
” Lei komunikasaun sosiál ne’ebé uluk deputadu Legislatura governu dan ne’en halo, iha tinan 2014 iha tinan sanulu resin ida ona, avansa teknolojia preokupasaun husi públiku kona-ba komunikasaun sosial nian papel, iha prosesu dezenvolve prosesu konstrusaun estadu,presiza atu hadia tanba nee mak ami konkorda ba malu katak presiza duni hodi halo revizaun iha semana oin” hateten Sekretáriu Estadu Komunikasaun Sosial Expedito Loro Dias Ximenes ba jornalista sira hafoin remata diskusaun pre-eleminariu revisaun lei komnuikasaun sosial foin lalais nee.
Iha fatin hanesan Prezidente Konsellu Imprensa Timor-Leste (KITL) António Maria da Costa Malik deklara, objetivu husi revizaun lei komunikasaun sosial ne’e maka oinsa atu hare kona-ba interese komun ka hodi asegura jornalista sira iha nasaun ida ne’e, enkuantu diskusaun ne’e sei halo tan dal aida hodi bele to’o finalizasaun ba revizaun lei komunikasaun sosial.
“Lei ne’e hodi asegura jornalista sira iha ita nia nasaun, no diskusaun ne’e lao’s ida nee deit maibe ita sei halo diskusaun bebeik to’o hetan nia objetivu ikus” nia hatutan
Entretantu Sekretáriu Estadu Komunikasaun Sosial propoin atu parte rua konsellu Imorprensa Timor-Leste no Sekretáriu Estadu Komunikasaun Sosial atu diskute fila fali revizaun lei komunikasaun sosial ne’e iha loron 14 fulan agostu tinan 2025, hodi bele ko’alia kona-ba subtansia alterasaun lei.
Jornalista : Lúcia do Carmo/Olvadis Clara da Costa
Editór :Manuel Andrade
