(Díli) Mudansa – Porta-Vóz, Ivonia da Cruz, liu hosi konfernsia Imprensa hateten, relasióna ho aktus Governu ne’ebé lidera husi Sekretáriu Estado Asuntu, Toponomia, Organizasaun no Urbana (SEATOU) hamutuk ho ekipa Jestaun merkadu ne’ebé sobu soe produtu no baku rahun karosa negosiante nian iha area kampu-baru, situasaun ne’e nu’udar forma anti-povu hodi limita no hafraku negosiante sira nia atividade no sai vulnerbilidade.
Porta-Voz afirma, Sentru bá Haburas Movimentu Diretus Umanus nu’udar Klibur bá Alumi Estudante Universitariu husi Munisípiu sanulu resin-tolu (13) ne’ebé halibur aan,n nu’udar Estudante Ativista bá Direitus Umanus no Justisa Sosiál iha Timor-Leste.
“Ami hanoin katak Governu ne’e iha kbi’it no obrigasaun atu hakonu direitu povu nian no trata povu ho dignu nu’udar Timoroan, maibé infelizmente situasaun horseik hatudu Governu liu husi (SEATOU) trata nia povu hanesan lós animál,aktus Governu ne’ebé lidera husi Sekretáriu Estado Asuntu, Toponomia, Organizasaun no Urbana (SEATOU) hamutuk ho ekipa Jestaun merkadu ne’ebé sobu soe produtu no baku rahun karosa negosiante nian iha area kampu-baru, situasaun ne’e nu’udar forma anti-povu hodi limita no hafraku negosiante sira nia atividade no sai vulnerbilidade, nune’e ami husi Sentru bá haburas Movimentu Direitus Umanu ezizi”, dehan Porta-Vóz, Ivonia da Cruz liu husi konferensia Imprensa, iha salaun HAK, Farol, Díli, kuarta-feira(04/08/24).
Porta-Vóz ne’e, husu Sekretáriu Estado Asuntu, Toponomia, Organizasaun no Urbana (SEATOU), ne’ebé laiha kapasidade di’ak-liu rejiga-an hodi evita haterus povu maubere.
“Ami kondena Lider ho karakter premanizmu, milterizmu iha Estadu, Direitu Demokrátiku, husu bá Deputadu/a sira hanesan reprezentante povu iha uma Fukun Parlamentu Nasionál atu bele fó hanoin bá Govenu iha aproximasaun presuasivu bá komúnidade negosiante sira ne’ebé buka moris iha dalan ninin, husu bá Provedoria Direitus Umanus no Justisa (PDHJ sigla portugés) hanesan Instituisaun Uniku Direitus Umanus iha Timor-Leste ne’ebé iha knaar bo’ot atu proteje sidadaun sira ne’ebé nia Direitu vióladu iha rai laran,” Porta-Voz relata
Nia esplika,husu Kayrala Xanana Gusmão kuálidade hanesan Primeru Ministru fó atensaun bá aktus ne’ebé SEATOU halo iha terenu hasoru Povu Negosiante sira.
“Ami husu ba Kayrala Xanana Gusmão kuálidade hanesan Primeru Ministru fó atensaun bá aktus ne’ebé SEATOU halo iha terenu hasoru Povu Negosiante sira no ami husu bá Parte konfizoins Relijiozu sira atu labele nonok iha situasaun ne’ebé sarani sira hasoru hela terus no sofrimentu oi-oin kauza husi inkapasidade ukun,ami husu bá Universitariu hotu ne’ebé eziste iha Timor-leste atu labele dukur bá problema sosiál ne’ebé maka povu maubere hasoru,ami sei kontinua Ezizi no hamutuk ho negosiante ambulante, vitima eviksaun wainhira la trata povu ho dignu no sein kria kondisaun bá sira,ami hakarak hateten kondisaun ohin loron ne’ebé mak povu maubere infrenta iha Estadu RDTL ida ne’e diferente ho slogan husi PM Kayrala Xanana Gusmão hateten katak “Povu Maka Funu, Povu Maka Terus, Povu Maka Heroi Bo’ot bá Ukun Rasik-Aan,iha tinan 25 konsúlta popúlar ne’ebé mak foin hakat liu bá, rezúltadu husi ukun-aan bá Povu maka tuku tebe, estraga sasan, fó presaun hatrauma nia oan sira, inklui problema Saúde, Edukasaun no seluk tan,” Nia la menta
Nia informa,Sekretáriu Estado Asuntu, Toponomia, Organizasaun no Urbana (SEATOU) Germano Santa Dias Brites, Inkapasidade atu lidera SEATOU di’ak liu rejigna-an husi nia kargu, povu ida ne’e terus ona tinan naruk ate iha era ukun-aan ne’e.
“Povu sei kontinua terus, tanbá ne’e ami apelu bá Sekretariu Estadu Germano Santa Brites Inkapasidade atu lidera SEATOU di’ak liu rejigna-an husi nia kargu, povu ida ne’e terus ona tinan naruk ate iha era ukun-aan ne’e Sekretariu ho nia ekipa SEATOU atu hapara brutalizmu no aktu militarizmu, aktu ne’ebé imi halo ne’e fó prova katak imi la iha diferénsia ho Milisia pro-otonomi no kopasus iha era okupasaun Indonesia ho ida ne’e mós bele fó prova katak imi ne’e jerasaun husi Milisia no Otonomista ne’ebé mak sita iha leten, iha ne’ebé sei kaer metin no konserva heransa militarizmu Milisi no otonomista.”Nia hakotu
Jornálista: Ana Ribeiro
Editóra: Delfina Borges
