(Dilí) Mudansa- Negósiante Mariano Pascoal Mendes hateten, hakarak faan sigaru hodi kompleta nessidade bázika no ajuda kompleta inan-aman ne’ebe dala barak haruka osan tarde.
“Ha’u hakarak faan sigaru tanbá moris hela iha kos ne’e aman-inan sira haruka osan tarde, entaun ha’u tenki buka meios hodi hetan osan selu kos, bemo no selu kursu,”Dehan negósiante Mariano bá Jornálista Media Mudansa iha tasi ibun Palásiu Governu Sesta-Feira (12/07/24)
Negósiante ne’e hatuta, nia hahú faan osan (modal) dollar lima-nulu (50) sosa sasan ba faan hanesan.
“Ho osan (modal) dollar lima-nulu (50) hodi sosa sigaru faan tutan fali durante fulan rua(2), kada loron nia servisu makas rendimentu nia ha’u hetan husi dolla rua-nulu ($20.00) to’o dollar tolu-nulu ($30.00), hosi rendimentu ne’ebé hetan bele naton bá ajuda ha’u,”Nia afirma
Nia esplika, desazifius ne’ebé nia hasoru hosi faan sigaru ne’e mak ema hola sempre hatan lian makas “kasar ba nia” ba nia.
“Dezafius ne’ebé ha’u hasoru durante ne’e mak ema ne’ebé sosa hatan ho lian makas (kasar) ba ha’u, maibé sei la hamate hamid ha’u nia vontade hodi buka osan no agora tuir kursu lian ingelsh”l iha Kaikoli, no fulan ida selu dollar haat-nulu ($40.00),kursu ne’ebé ha’u tuir hanesan skill ida aumenta ha’u nia kapasidade iha futuru hodi bele buka serbisu,” Nia sublina
Negosiante Mariano mós husu bá maluk Joven sira labele moe atu buka moris,dezafius saida de’it mak Joven sira hasoru iha moris labele moe atu hasoru no labele hases an husi reálidade.
Mariano Pascoal Mendes ho idade rua-nulu resin-tolu (23) hosi Municipio Viqueque, oan hosi Aman Placido Soares Mendes no Inan Joana Ana Soares, Mariano iha maun-alin nain ualu (8) nia mak oan bá dala haat hosi maun alin nain-ualu.
Jornalista : Zimedonio Martins/estajiada Nelia Pereira
Editóra : Delfina Borges
