(Dilí) Mudansa – Sekretariu Estadu Komunikasaun Sosial” (SEKOMS), Espedito Dias hatutan, agredese bá Prezidendi konsellu Imprensa (CI) ho nia konselleiru sira, tanbá bele esforsu hamutu ho HWPL ne’ebé bele halo servisu ida ne’e, importante tebes.
“Ohin iha relatóriu ne’ebé ami ko’alia katak media lima (5) Radiu Liberdade Dili, Radio Komunidade Comoro, SapNewsTL, Mídia LABEH no Hatutan.com,ne’ebé ita ohin asina ne’e entaun sira apoiu ona bá nain-sia (9) no ita hotu hein katak ho akordu Ida ne’e,”Dehan SEKOMS Espidito Dias bá Jornálista iha CI Kintal-Boot Sesta-Feira (12/0724)
Governante ne’e akresenta, liu-liu nain bá media sira sei tau atensaun bá páz, tanbá laiha dezenvólvemetu, tanbá ne’e mak páz no dezenvólvemetu ne’e buat rua ne’e tenki la’o hamutuk.
“Media sira no meus Komúnikasaun Sosiál sira iha nia papél ne’ebé importante tebes, tanbá ita iha Nasaun pós-konflitu, Nasaun foun no ita presiza kria páz no kria estabílidade hodi bele iha dezenvóllvemetu ho di’ak,tanbá ne’e bá media no liu hosi meus komúnikasaun sosiál ne’ebé iha importante tebes tanbá lori IX-Governu Konstituisionál nia naran hakarak agradese bá HWPL tanbá durante ne’e nia apoiu tebes media,’Tenik Governante ne’e
Iha fatin hanesan Prezidenti Konsellu Imprensa (CI sigla portugês) Otelio Ote hateten,Konselu Imprensa (CI sigla portugês) hala’o atividade asina nota entendimentu entre Healvenly Culture World Peace Restoration Of Light (HWPL) ho Organizasaun Media lima (5).
“Obrigadu barak bá Media sira no liu-liu bá Media lima (5) ne’ebé konkorda ona atu asina nota entendimentu ida ne’e imi hetan sorte di’ak HWPL komúnika ho media barak CI fó ona naran media sira no kontaktu sira atu bele komúnika ho sira,reálidade ohin iha media lima (5) hanesan Radiu Liberdade Dili, Radio Komunidade Comoro, SapNewsTL, Mídia LABEH no Hatutan.com,mak kosege komúnika no susesu to’o ohin loron ita asinatura ida ne’e, Konsellu Imprensa hanesan ita hotu hatene hanesan subriña (Payung) bá media sira iha Timor-Leste,”Tenik Prezidente CI Otelio Ote
Prezidenti CI ne’e relata, sira nia mandatu ida mak hanesan ohin temi, tenki asegura katak iha asesu informasaun ba sidadaun hotu-hotu no iha Liberdade Imprensa iha komitmentu hosi media sira no Jornálista sira atu kumpri kode Etíka Jornálista nian.
“Ami mós tenki asegura katak koopera ho Instituisaun barak para bele tulun ou hakbi’it, eleva kuálidade umanizmu, eleva kapasidade profesionál nomós eleva kapasidade intelektuál ida ne’e parte ida hosi ita nia servisu,ami nia mandatu mak hanesan ohin ha’u temi, ami tenki asegura iha asesu informasaun ba sidadaun hotu-hotu no iha Liberdade Imprensa iha komitmentu hosi media sira no Jornálista ita atu kumpri kode Etíka Jornálista nian,” Prezidentr CI sublina
Prezidenti Konsellu Imprensa akresenta, husu orgazasaun ki’ik no bo’ot tantu sé de’it tenki hatene aan no book aan lalais kontribui no partisipa hodi lori sira nian media ne’e bá oin.
“Ita iha progresu barak no tinan ida ne’e ita iha formasaun barak no koopera mós ho Internasionál Divelopment (ID sigla Inglesh) nomós ita koopera ho United Nations Development Program (UNDP) bá nivel anuál sira ne’ebé mak ita lansa tiha ona iha tinan kotuk no espera katak livru sira ne’e uza nuda’ar baze ida no buka’e ida para Jornálista sira bele hatene sira nia knaar ho di’ak,”Prezidenti CI hakotu.
Jornálista : Zemidonio Martins
Editóra : Delfina Borges
