(Dili) Mudansa – Komúnidade Aldeia 12 de Outobru Suku Comoro Postu Administrativu Don-Aleixo Munisipiu Dili senti apresia tanbá Governu nia programa halo sosiáliza atu proteje ambiente iha Timor-Leste.
Komúnidade Marcos Ribeiro da Silva hateten, sosiálizasaun Governu nian kapas kona ba oinsá atu proteje ai-horis sira ne’e ,maibé iha ida mak falta iha ne’eba haree Ministeriu Agrikultura no Peskas entaun temi hotu ikan sira no mós halo kontrólasaun bá ikan sira ne’e hotu.
“Agora Tasi-Tolu ne’e ikan mós iha laran agora ikan sira ne’e ema ka’er lor-loron soke ikan ne’e moris hosi inan nia kabu laran sira ne’e ema kaer hotu no buat sira ne’e area proteje,maibe apresia ho Governu nia programa proteje ambiente iha Timor-Leste,halo kontrólasaun bá ita nia ikan sira ne’e hotu,”dehan komúnidade Marcos ba Jornálista iha Sede-Suku 12 de Outobru Tasi-Tolu Kuarta-Feira (10/07/24)
Komunidade ne’e hatutan Governu tenki liu hosi Ministeriu Agrikultura no peskas iha mekanizmu para oinsá sira labele ka’er ikan no Governu tenki kria hirarkia ida para ikan sira ne’e bele hosik prolonga tinan ne’ebé mak narauk nomós tinan hira mak atu bele kaer.
“Hau haree ida iha Maliana nian ne’e kapaz lós no tanba-sá mak la halo hanesan ne’e, depoiz ita haree bá manu sira ne’e no ema mai ho kilat manu mai tiru iha ne’e tiru lakateu sira ne’e no manu-oan sira ne’e ita la proteje,labele tesi ai arbiru maibé ita haree de’it, ita fó espasu no oportunidade liu bá kompaña sira mai tesi ai arbiru no sira la kuda fali-fali ai-horis ne’ebé sira tesi,iha ne’ebé mak kompaña sira kuda fali ai-horis no estrada laran ne’e mamuk hela,”Komunidade ne’e kestiona
Nia esplika,ema bá hamri’ik atu hein kareta mós ai-hun ida laiha no loron manas lós no ida ne’e mak atu fó hanoin de’it ba Ministeriu rélevante sira haree didi’ak buat sira ne’e bá.
“Governu sira dehan labele tesi ona ai sira haree mós kompaña sira ne’ebé tesi ai arbiru ne’e no halo movimentu bá mai iha Timor laran tomak no tesi ai arbiru buat sira ne’e hotu Governu tenki haree hotu bá,ohin Governu sira sujere mai ne’e di’ak, maibé ami Tasi-Tolu ne’e la tesi ai arbiru ida no ami sira ne’e proteje ai-horis sira,”komúnidade Marcos hakotu
Jornálista : Zemidonio Martins
Editór : Delfina Borges
