(Dili) Mudansa-Governu husu komúnidade Tasi-Tolu atu koopera Konsúlta públiku kona-bá protesaun ambiente nian iha Timor-Leste.
Reprezentante Sekretariu Estadu Florestas Chefe Gabinete Muhamat Affandi Branco hateten, Iha konsúlta Públiku kona-bá protesaun bá ambiente, no ai-horis sira, kuandu ko’alia kona-bá konsúlta públiku.
“Parte Governu husu komúnidade sira oinsá bele konsúlta koopera atu proteje ambiente ne’e ho di’ak no inan-aman sira bele Konserva ita nia area iha ne’e, tanbá area ida Tasi-Tolu ne’e sai hanesan area protejida ne’e bandu totál atu hala’o atividade iha laran,”dehan reprezentante SEF Chefe Gabinete Muhamat Affandi Branco bá Jornálista liu husi nia diskursu iha Tasi-Tolu, kuarta-Feira (10/07/24)
Nune’e nia sálienta, hahu hosi Tasi-Tolu to’o iha Estatua João Paul (II) ne’e area protejida Florestas nian, ai-horis sira ne’ebá ne’e kuda konserva rai no konserva ambiente hodi bele sai furak.
“Floresta nuda’ar Ita nia riku-soin ida bá Nasaun ida ne’e iha hodi bele atende ita nia nesesidade bá ekonomia nian, no bele hasa’e ita nia area ekonomia bá Floresta nian no liu hosi produtu Floresta nian,maibé produtu Floresta nian karik komúnidade balun iha ne’e tesi ai halo bá ai-sunu faan iha estrada no faan iha keos no ida ne’e mak sai hanesan dependente ekonomia hosi sustenta nesesidade familia nian,”Nia relata
Reprejentante ne’e hatutan, Tanbá area ida Tasi-Tolu ne’e saí hanesan area protejida no iha fatin balun sira ko’alia katak sei bele foti no híli ai-maran sira ne’ebé iha area ne’e foti no bele faan.
“Tasi-Tolu area protejida entaun saída de’it mak iha area protejida nia laran ita labele foti no labele hasaí no labele halo atividade iha laran só ita proteje de’it bá ita nia konservasaun,”Nia hakotu.
Jornálista : Zemidonio Martins
Editóra : Delfina Borges
