(Dili) Mudansa -Centro Nasionál Chega (CNC), Selebra Aniversáriu bá dala-hitu (7), ho tema reforsa parseiru institusionál hodi promove Medida Reparativa aumezmu tempu asina nota entendimentu ho parseria nomós halo diálogu interativu, no lansamentu Livru
Tuir Diretór Ezekútivu CNC, Hugo Maria Fernandes katak, Sélebra aniversáriu bá dala-hitu (7) Centro Nasionál Chega (CNC) iha parseria barak, maibé CNC tau importansia liu oinsá mak kontinua fó apoiu vitíma sobrevivente sira.
“Iha atividade barak lós mós ami halo durante tinan hitu (7), komesa hosi tratamentu Saúde, hari’i uma, bolsu estudu, apoiu Ekonomia halo komemorasaun sira ne’e,atividade sira sei la la’o sein parseiru Centro Nasionál Chega nian, entaun tinan ida ne’e ambitu Sélebrasaun aniversáriu tinan hitu (7), ita hahu kedas ho atividade sira ne’ebé mak invólve parseiru sira iha loron 15 hahu ho misa agradesimentu hamutuk ho parseiru sira no iha eventu transmisaun memória ne’ebé ita bolu parseiru sira Akademiku, Universitariu, vitíma no sobrevivente sira ko’ália kona-bá sira nia sentimetu durante ne’e memória pasadu ne’ebé maka sira liu no saída maka sira hanoin presiza halo tan bá oin,” Dehan Diretór Ezekútivu CNC, Hugo Maria Fernandes bá Jornálista iha salaun Delta-Nova, Kuarta-feria (17/07/204)
Nia haktuir,serimónia importante ohin mak iha diskusaun depois ida ne’e temátika ida seí rona hosi oradór sira iha vitíma sira atu ko’ália kona-bá asuntu reparasaun nian saída maka CNC parseiru ho Governu nian no Sosiédade Sivíl bele halo atu kontinua fó tulun bá sosa sira. Aleinde ne’e iha seremónia ne’e CNC mós atribui premiu anuál memória esperansa bá parseiru sira ne’ebé mak durante ne’e koopera di’ak ho CNC halo duni mudansa signifikante bá iha rekomendasaun no sei iha lansamentu relatóriu anuál tinan 2023 nian no sei iha lansamentu relatóriu aváliasaun impaktu ida ne’ebé mak halo ho Universidade Australia, AJAR kona-bá re-unifikasaun.
Iha fatin hanesan, Prezidenti Conselho Administrasaun CNC Manuel Muesquita Pereira katak, Nuda’ar Instituisaun públika ho baze Dekretu-Lei númeru.48/2016, Centro Nasionál Chega nia obrigasaun mak atu promove no implementa rekomendasaun sira hosi relatóriu CAVR no Per-Memóriam Ad Spem, liu hosi koolaborasaun ho parseiru institusionál estratéjiku sira iha Timor-Leste no mós parseiru enstratéjiku sira hosi rai-li’ur.
“Agora dadauk Centro Nasionál Chega re-dezeña nia Planu Estratéjiku 2025-2030, no identifíka ona katak,Memória istóriku prezervadu no asesivél, Direitus Umanus aseguradu, no sobrevivente sira nia moris dignu,mak nuda’ar ajenda prinsipál 3, ne’ebé relevante liu bá Centro Nasionál Chega nia prioridade prinsipál iha tinan 5 mai. Centro Nasionál Chega seí intensiva Nasionálizasaun Centro Nasionál Chega! hodi tulun sosiédade Timor-Leste intende di’ak liu tan vizaun no misaun Centro Nasionál Chega nian, no kontinua mós ajenda Internasionálizasaun Centro Nasionál Chega nuda’ar mellor prátika (best practice) bá Mundu Internasionál,”Dehan nia
Nia haktuir ho Tema Hametin Parseria Institusionál hodi Promove Asaun Reparativu refleta Centro Nasionál Chega nia komprimisiu bo’ot, atu servisu maka’as no ho sériu liu tan.
“Hodi prezerva memória istóriku sira tane a’as direitus umanus, no importante liu mak fó apoiu reparasaun bá sobrevivente sira ne’ebé vúlneravél liu,atu atinji ida ne’e, Centro Nasionál Chega kontinua hadia nia kapasidade Institusionál, no prepara infraestrutura apoiu sira.”hakotu Prezidenti Conselho Administrasaun CNC Manuel Muesquita Pereira
Jornálista : Esperança Monteiro Soares
Editóra : Delfina Borges
