(Dilí) Mudansa– Bolseiru Instituto Universidade João Saldanha (UJS) mantein luta kontra pozisaun Governu to’o hetan vitória
“Governu nafatin mantein pozisaun hodi hapara Bolseiru ida ne’e, Instituto Universidade João Saldanha (UJS) mós sei mantein luta kontra to’o iha vitória mak foin para,tanbá ami luta bazeia bá kontratu tinan lima (5) entre Governu, ha’u hanoin ida ne’e la’os fasíl bá ami, ne’ebé ami luta bazeia bá ami nia kontratu tinan lima (5) nian no ami nafatin la’o tuir kompetensia ne’ebé mak tuir ami nian, ami la’o no kontra nafatin hodi hein ami nia ezizénsia bá Governu sira no hodi hein atinzi objetivu ami nian,”dehan Porta-Vóz Julito Orlando bá Jornálista iha Jardim 5 De Maio kinta-Feira (03/07/24)
Porta-Voz ne’e haktuir, Instituto Universidade João Saldanha (UJS) prontu kontra desizaun sira ne’ebe Governu halo,tanbá desizaun sira ne’ebé Governu halo ka foti ne’e injustisa no lalós.
“Ami kontra IX-Governu ne’e tanbá de’it sira laiha liña koordesaun ho ami no sira foti ona BTB ka buka tuir bólseiru/a sira para atu nune’e ita nia liña komúnikasaun ne’e ho di’ak,maibé sira nein atu buka tuir ami, depois sira halo revogasaunbá Lei ida ne’e ami hein de’it para sira atu halo dialogu ka enkontru no ami hein sira nia sosiálizasaun atu tun bá Universidade, maibé sira nein atu mosu bá,”Nia kestiona.
Porta-Voz akresnta, Governu hasaí Lei ida katak sira halo revogasaun ida ne’e nuda’ar estudante sente lamentavél ho asaun Governu nian.
“Dadaun ne’e ami hahu hosi prosesu hirak ne’ebé loron hira ona, maibé to’o agora seida’uk iha rezúltadu ida, tanbá ne’e ami nafatin la’o tuir prosesu ne’ebé mak iha,karik ami hein nafatin mak laiha nia rezultadu ami prontu atu halo asaun pasifíku hodi kontra Governu, hakotu Julito Orlando.
Jornalista : Zemidonio Martins/Ana Ribeiro
Editóra : Delfina Borges
