(Dili) Mudansa– Negosiante Ai-leba, Fransisco do Santos hateten, nesesidade moris obriga tenki buka moris liu husi leba produtu lokal haleu Dili laran hahú husi tinan 2000 mai to’o agora.
“Hudi ne’ebé ami faan sosa tutan husi ema hudi Sasuit ida ho nia presu $0,50 centavos ami faan ho nia presu $1 dolar ami hetan $0, 50 centavos ami sosa hudi sasuit ida ho nia presu $ 1 dolar maka ami faan fali ho nia presu $ 2 dolar ami hetan $ 1 dolar hodi sustenta ba nesesidade moris lor-loron nian tanbà nesesidade moris obriga hau tenki buka moris liu husi leba hudi haleu Dili laran hahú husi tinan 2000 mai to’o agora.” Dehan Negosiante Francisco do Santos ba jornalista Média Mudansa,iha jardim 5 de Maio,kolmera,Díli,kuarta (05/06/24).
Nia esplika, molok faan hudi antes ne’e iha tinan 2000 faan modo hanesan ai-farina, ai-farina-tahan,sabraka no forai no tempu sabrak no kualquer tempu hetan sosa hodi faan deit.
“Kampu servisu laiha ami foti osan Estadu nian iha Aileu ho grupu naran Tubarai fori primeiru ho osan montante $ 500 lori mai ami manezasosa produtu lokal sira hanesan ai-farina , ai-farina tahan , sabra no hudi saida deit ami hetan sosa tutan hodi faan fali, osan ami hetan fahe ba parte rua parte ida ami setor Fila fali ba osan nain,ida ami uza sosa fali sasan ruma no selu fali oan nia eskola.” Nia subliña
Nia akresenta, sira sente bele ona ho negosiu ne’ebé sira halo kada loron faan lao ain normal no la tauk buat ida.
“Ami halo negosiu lao ain la tauk buat ida tanbà, ita nia seguransa Polisia servisu makas ami lao la hasoru buat ruma dalan no sasan ne’ebé ami leba maka ema la sosa ami lori fila fali ba uma.” Tenik Nia.
Nia afirma,produtu ne’e sosa husi ema iha tuku6:00 otl dadersan to’o tuku9:00 otl lori ba uma sobu no hadia fali.
“Produtu ne’ebé ami sosa husi ema iha tuku6:00 otl dadersan to’o tuku9:00 otl lori ba uma sobu ami kore no hadia fali hotu,ami hahú lori lao na faan haleu Dili laran to’o tuku 7:00-8:30 ami fila fali ba uma.”
Nia hakotu
Negosiante ne’e husi husu ba joven sira labele moe buka moris liu husi Ai-leba, maibé tenke servisu mak bele han.
Jornalista :Ana Ribeiro/Estajiada Petronela Nono & Teresa da Silva
Editora : Delfina Borges
