(Díli) Mudansa-Sekretaria Estadu ba igualidade (SEI) entrega motorizada unidade 36 ba pontu Fokal SEI iha Postu Administrativu sira hodi apoiu servisu iha Munisípiu sira.
Sekretaria Estadu ba igualidade (SEI),Elvina Sousa Carvalho,informa, ohin halo distribuisaun ba motorizada ba pontu fokal ba SEI iha postu administrativu sira, ida ne’e mak fasilidade ne’ebé uza bele apoiu servisu pontu fokal iha munisipiu sira hanesan promosaun igualidade inkluzaun, servisu akompaniamentu grupu benefisariu sira ne’ebé simu osan ka simu Fundus transferensia publiku husi Sekretatriu Estadu Igualidade (SEI).
“Hau hanoin haree ba importansia husi papel pontu Fokal iha munisípiu postu sira maka distribui mós motorizada 36 hodi fasilita sira nia servisu iha munisípiu sira no mós apoiu servisu iha munisipal sira ne’ebé mak liga promosaun igualidade inkluzaun apoiu ba vitima Violensia baseia ba jeneru”Dehan SEI Elvina ba jornalista sira hafoin entrega motorizada iha SEI,kaikoli Díli,Tersa (04/06/24).
Nia akresenta, iha regras rasik atu bele utiliza motorizada ne’e, motorizada ne’ebé hamutuk 36.
“Motorizada ne’ebé mak distribui hamutuk 36 ba pontu Fokal sira kompostu husi feto nain 15 no mane nain 21 hodi hala’o sira nian servisu,” Nia subliña
Iha fatin hanesan Pontu Fokal Postu Administrativu Fatumea Julius Henriques Amaral Pereira Vicente mós hatete,regras simu motorizada sira tenke kumpri regras estadu nian,tanbà sasan ne’ebé uza patrimonio Estadu.
“Ita tenke kumpri saida maka regras Estadu ne’ebé fo sai ona, ami Pontu Fokal sira ne’ebé mak simu ona Transporte hodi fasilita ami nia servisu, motorizada ne’ebé ami simu fasilita tebes ami nia servisu ita haree distansia, kondisaun estrada iha postu sira,”Nia hatutan.
Nia hautan, ho transporte ida ne’e bele fasilita ona sira nia servisu atu lao diak liu tan iha postu sira liu-liu suku no aldeia no to’o iha munisípiu.
“Sektretariu Estadu iha servisu lubuk ida liu-liu halo prevensaun Violensia baseia ba jeneru,hakbiit feto iha ekonomia hakbiit mós maluk feto sira iha politika,atividades barak liu ami halo mak hakbiit feto iha ekonomia ami halo motorizasaun ba grupu benefisariu ne’ebé mak hetan Fundus transferensia públiku husi Sekretariu Estadu Igualidade ba Jeneru.” Nia informa
Nia akresenta, dezafiu ne’ebé sira hasoru durante ne’e maka transporte,durante ne’ebé halerik ba Sekretariu Estadu atu buka solusaun ba transporte ne’e hodi bele fasilita servisu.
Jornalista : Ana Ribeiro
Editora : Delfina Borges
