(Dili) Mudansa – Radiu Televizaun Timor-Leste, empreza Públiku (RTTL.EP) asina nota entendimentu ho ETO TELKO hodi halo transmisaun ba joga Kopa EURO tinan 2024.
Prezidente RTTL. IP José Belo hateten, iha ponto importante Radiu Televizaun Timor-Leste, Impreza Públiku (RTTL.IP) atu anima públiku sira liu husi jogu Desportu.
“Radiu Televizaun Timor-Leste. Empreza Públiku (RTTL.EP) assina nota entendimentu ho ETO TELKO hodi halo transmisaun ba joga Kopa EURO tinan 2024 no RTTL tenke asumi fó apoiu no oportunidade tomak ba governu ne’e nian,RTTL mós la preve osan kona-ba ETO TELKO mak media ida ne’ebé hetan direitu ba emissaun EURO CUP ba kopa Mundial iha Timor -Leste desde iha tinan 2016,”dehan Presidente RTTL José Belo, ba jornalista sira hafoin asina memoradu,iha Palacio Governu,Sexta (07/06/24).
Governante ne’e akresenta,hanesan RTTL laiha direitu hodi fó sai, maibé hola fila fali husi ETO TELKO hodi fo sai fali.
“Radiu Televizaun Timor-Leste. Impreza Públiku (RTTL.EP) laiha Direitu hodi fó sai fali liu husi Satelite no husi Live Streaming RTTL nian, maibé hola fila fali husi ETO TELKO hodi fo sai fali liu husi Telestial RTTL nian.” Nia esplika.
Iha fatin hanesan Sekretariu Estadu Komunikasaun Sosial ( SEKOMS), Expeditu Dias Loro Ximenes mós hateten, Media transmisaun ne’e ETO mak menan iha singapura,no depois ETO ho RTTL servisu hamutuk fali no RTTL hanesan Trasmiti fal direitu ba transmisaun ne’e mai husi RTTL,iha loron 15 Juño to’o loron 25 fulan Jullu.
“ETO atu menan ba Direitu Transmissaun EURO CUP ne’ebé sei halao iha loron 15 fulan juñu to’o loron 15 jullu durante fulan ida nia laran ba EURO CUP, maibé ETO mak menan iha singapura,no depois ETO ho RTTL servisu hamutuk fali no RTTL hanesan Trasmiti fal direitu ba transmisaun ne’e mai husi RTTL.” Tenik Nia.
Governante ne’e subliña, Radiu Televizaun Timor-Lests (RTTL) mak sai hanesan Primeiru Televizaun Konvensional,segundu RTTL sai Televizaun Estadu nian,konserteza nia atendimentu ba iha públiku.
“Ami hakarak transmisaun ne’e populasaun tomak, jovem sira iha munisipiu tomak atu bele akompaña bele ajuda hatene liu tan Dezenvolvimentu Desportu Mundial liu-liu Europa tantu IX Governu atu apoia no reforsa Radiu Televizaun Timor-Leste. Empressa Públiku (RTTL.EP) no atu hala’o atividade ne’e ho di’ak, tanbá Radiu Televizaun Timor-Lests (RTTL) mak sai hanesan Primeiru Televizaun Konvensional,segundu RTTL sai Televizaun Estadu nian,konserteza nia atendimentu ba iha públiku.” Nia akresenta.
Nia sujere, ba kolega sira husi kanal plataforma online no Televizaun konvensional sira, agora RTTL servisu hamutuk ho parseiru ETO TELKO,sei halao Transmisaun ba iha kanal ne’ebe nia iha, maibé RTTL mak transmite durante fulan ida ba taxa EURO.
“RTTL no ETO ne’e parsial no konseteza ida ne’e atividade ida ne’ebé importante no Desportu atividade ida ne’ebè halo iha Televizaun, no iha jornál mos iha pajina Desportu nian no plataforma online sira mós iha pajina desportu nian no ita hatene katak RTTL ho ETO servissu hamutuk atu trasmite EURO CUP 2024 ba iha pùblik.” Nia hatete.
Iha sorin seluk,Diretor ETO-TELKO, EdmundoFreita iforma, husi empreza filial ETO distânsia ida ne’e hahú husi tinan 2016 no 2020 la konsege realiza no agora tinan 2024 maka halo koperasaun hamutuk ho Radiu Televizaun Timor-Leste.Empreza Púlika (RTTL. EP) atu bele hato’o informasaun EURO CUP.
“Empreza filial ETO distânsia ida ne’e hahú husi tinan 2016 no 2020 la konsege realiza no agora tinan 2024 maka halo koperasaun hamutuk ho Radiu Televizaun Timor-Leste.Empreza Púlika (RTTL. EP) atu bele hato’o informasaun EURO CUP, tanbà Televizaun konvensional ema hotu bele asesu to’o iha area rural prejisa,ami halo koperasaun ho Radiu Televizaun Timor-Leste.Empreza Púlika (RTTL. EP) no ami halo ema hotu assesu ho forma gratuita hanesan momentu ida ne’ebe mak espesial joven barak mak nia implikasaun ne’e maioria ba iha mundu bola nian,”.Nia hakotu.
Jornalista :Ana Ribeiro/Remigia Locateli
Editora : Delfina Borges
