(Díli) Mudansa – Ministeriu Juvrntude Desportu Arte no Kultura (MJDAK) liu husi Komisaun Regulador Arte Marsiais (KRAM), halo enkontru ho Arte marsiais Persaudara Setia Hati Terate (PSHT), arte ritual 77 no inan aman husi matebian,KRAM Arte Ritual 77 ho PSHT halo enkontru ko’alia kona-ba lori fila hikas mate isin mai T-L
Presidente KRAM, Octavio da Conceição hateten, halo enkontru koordenada ho oraganizaun arte ritual 77 no organizaun arte marsiais PSHT. Enkontru kontinuasaun ne’ebé organiza husi Governu, liu husi Ministeriu Negosiu Estranjeiru Komersiu (MNEK) koperasaun Bilitaral hamutuk Ministeriu relevante sira hodi ko’alia kona-ba situasaun ne’ebé akontese iha Portugal iha sidade Lisboa, ne’ebé rezulta joven Timor oan ida lakon vida.
“Komisaun regulador Arte Marsias konvida liderasaun arte ritual 77 no oraganizaun arte marsiais PSHT no mós inan-aman husi joven ida ne’ebé mate iha Portugal iha sidade Lisboa koalia kona-ba lori fila hikas mate isin mai Timor-Leste sira mós konkorda atu kolabora ho parte legal sira iha prosesu investigasaun ba kazu ne’e,” Dehan Prezidente KRAM Octavio da Conceição,liu husi enkontru ho Organizasaun sira ba jornalista iha knaar fatin Lecidere Sexta (07/06/24).
Nia hatutan, Kona-ba data tentativu atu tula mate isin lori mai Timor,sei iha prosesu nia laran hein Instituiaun Konforma ho Governu Portugal.
” Kona ba loron atu tula mate isin mai Timor-Leste it hein Instituisaun relavante sira komfirma ba Governu Portugal atu deside data loloos tula mate isin mai Timor.”Tenik Prezidente KRAM.
Governante ne’e akresenta, kona-ba dekalarasaun Primeiu Ministru, Kayrala Xanana Gusmão, atu taka Arte Ritualno Arte Marsiais, KRAM konkorda.
“Ami KRAM konkorda ho dekalarasaun Primeiu Ministru nian, KRAM atu haree organizasaun sira ne’ebé mak komete krime tenke taka,Maibé organizasaun ne’e mak la komete krime, kontinua ezisti nafatin.”Nia afirma.
Iha sorin seluk Prezidente Arte Ritual 77, Armindo Amaral mós hatutan,matebian ne’e la’os problema Arte Ritual no Arte Marsiai, maibé problema individu.
“Ha’u laiha Direitu atu foti medida ba membru Arte Ritual 77 sira, ne’ebe halo krime,matebian ne’e la’os problema Arte Ritual no Arte Marsiai, maibé problema individu no kultura la’os desizaun husi organizasaun mak haruka sira,”Dehan Prezidente Arte Ritual 77.
Nia afirma,Atu moris iha paz no seguru, Timo roan hotu tenke kria situasaun ida hakmatek,Membru organizasaun PSHT no arte ritual 77 mesak maun no alin Timor oan.
“Husu mós ba Governu no Estadu atu foti desizaun kona-ba problema ne’e,atu moris iha paz no seguru, Timo roan hotu tenke kria situasaun ida hakmatek,Membru organizasaun PSHT no arte ritual 77 mesak maun no alin Timor oan.” Nia informa.
Iha sorin seluk, Vice Prezidente Assuntu Organizasaun PSHT, Manuel Smith mós hatutan, sente Triste ho problema ne’ebé akontese iha portugal.
“Hau sente triste ho situasaun ne’ebé mak akontese iha Portugal,iha Situasaun ida ne’e fo tristeza ba mundu espesial rai Timor, aat liu tan mak inan-aman hanesan Patrimoniu ba oan mane ne’ebé lakon vida iha sidade Lisboa Portugal.”Nia dehan.
Iha diskunfiansa katak akontesimentu iha Portugal ne’e involve organizasaun husi PSHT ho 77 rezulta joven ida lakon nia vida.
Organizasaun PSHT hato’o sentidu kondolensia ba matebian, liuhusi Inan-Aman no familia tomak,hakarak ka lakoi tenki kria paz no estabilidade iha Timor-Leste no mós iha rai liur.
Iha tinan kotuk, entrega organizasuan Arte Marsiais no Ritual ba KRAM atu taka, Maibé atividade la’o nafatin,tanbà laiha atividade formasaun ba grupu, membru no laiha kontrolu masimu husi KRAM.
“Kriminozu sira ne’ebe hamate ka hakotu ita nia maluk Timor oan iha rai Sagrada Fátima, Portugal, hafo’er Timor iha mundu, no hamonu dignidade estadu no dignidade lider sira, tanbá iha tinan kotuk entrega organizasuan Arte Marsiais no Ritual ba KRAM atu taka, Maibé atividade la’o nafatin,tanbà laiha atividade formasaun ba grupu, membru no laiha kontrolu masimu husi KRAM,”nia subliña.
Iha fatin hanesan Estanislão aman husi matebian hateten,nia oan ba buka moris hodi sustenta familia la’os buka problema, maibé sente triste tebes oan lakon vida.
“Bainhira matebian halo viajen husi Timor ba Portugal ami familia kontente, tanba moris bele suporta ona familia la’os buka problema,maibé sente triste Iha loron 02 Junu tina ne’e 2024, rona informasaun katak ha’u-nia oan hakotu nia iis.” Tenik aman Matebian.
Nia akresenta, familia prontu koopera nafatin no husu Governu tenki lori hodi lori fila oan nia mate isin mai Timor-Leste.
Jornalista :Ana Ribeiro.
Editora : Delfina Borges
