(Díli) Mudansa -Diretóra Ezekútiva Fokupers Domingas Afonso Amaral, hateten, hetan konfiansa hosi Fundadór Fokupers nian ne’ebé hahu inisía hari’i ona, funda ona organizasaun ho sira nia ideia brillante to’o agora Fokupers kontinua ezisti to’o tinan 27, ne’e la’os buat ida fasíl.
“Ha’u kontenti bele hola parte iha ne’e hodi bele lori Fokupers nia naran bá oin liu-liu saí di’ak liu tan, oinsá atu Fokupers kontinua fornese ninia asisténsia ida ne’ebé intergadu bá Feto no Labarik Feto vítima violénsia bazeia bá jéneru, hetan konfiansa hosi Fundadór Fokupers nian ne’ebé hahu inisía hari’i ona,funda ona organizasaun ho sira nia ideia brillante to’o agora Fokupers kontinua ezisti to’o tinan 27, ne’e la’os buat ida fasíl”dehan Diretóra Fokupers, hafoin simu tomada-posse (hand over) bá tinan 2024/2027, iha salaun Marfin FOKUPERS, Farol,sexta (14/06/24).
Diretóra Ezekútiva ne’e afirma,Fokupers sei nafatin kontinua fornese asisténsia integrádu bá Feto ho Labarik Feto sira ne’e hanesan fuan hosi prográma Fokupers nian.
“Fuan hosi Fokupers nia misaun ohin ita bo’ot asísti ha’u simu ona dokumentus mahar bo’ot ida klaru iha dokumentus organizasaun nian ne’ebé tinan Lima (5) bá oin presiza ka’er hanesan base legál ida atu bele hala’o ha’u nia servisu, ”Nia relata
Nia akrésenta, Fokupers kontinua halo advokásia sira la’os servisu de’ít naton fó asisténsia, akompañamentu hala’o Empodarementu bá Feto sobrevívente, maibé sira kontinua halo advokásia tanbá sira mak Fokupers nia alvu.
“Ami hatene bainhira advokásia lala’o no intervensaun hosi ema parte intersante sira lala’o mak Fokupers labele la’o ba oin,entaun advokásia Fokupers halo maka oinsá atu dere ita nia ukun naín sira mak ka’er ukun sira ninia laran atu apróxima sira oinsá sira bele iha alokasaun Orsamentu ne’ebé sensivél bá Feto no Labarik Feto sira nia nesesidade no ha’u la’os foun iha Fokupers, kontribui Fokupers ituan ka barak ha’u kontinua ninia progrésu tomak susesu tomak iha, klaru buat ida ne’ebé saí hanesan misaun importante ida bá oin.”Nia sublina
Iha fatin hanesan, Diretóra sentante Fokupers, Maria Fatima Pereira, informa, iha nia mandatu susesu primeiru wainhira tama iha Fokupers resólve kazu toponomia, durante tinan 3 buat barak konsege ultrapasa problema liu-liu sobrevivente sira nia violénsia bazeia bá jéneru.
“Ha’u nia ideia brillante sira atu tenki hanoin estratéjiku tenki kria nafatin Planu oinsá kria kooperasaun ho parseiru liu-iu Governu haree bá iha problema vítima sira nian, iha ha’u nia mandatu Konsege lori Fokupers bá tama iha rede ASEAN nian.”Nia hakotu
Jornalista : Ana Ribeiro
Editóra: Delfina Borges
