(Díli) Mudansa– Jestór Merkadu hamutuk ho ekipa Secretáriu Estadu Asuntu Toponemia no Organizasaun Urbana (SEATOU) iha loron 29 fulan ne’e sobu komunidade sira nia fahi luhan iha Manleu-ana ho razaun dois hodi fó impaktu ba ema seluk.
“Ita Moris iha nasaun ida tenki iha estadu, no estadu nia desizaun mak hanesan ne’e tenki hasai ita la bele kontra, ha’u nia fahi fóin hahoris semana tolu liu ba, iha oan hitu, antes ne’e xefe suku no xefe aldeia seidauk mai to’o iha ami atu dehan fahi tenke hasai, tanba ne’e ohin sira tun direita mai baku fahi luhan no ami mós kopera la kontra sira nia lia-fuan, ho nune’e fahi ne’e ha’u lori tiha ba fóho ou fan tiha balu i ida ou rua sei kabuk hela ne’e ha’u lori ba fóho para hakiak iha fóho de’it, tanba labele hakiak fahi iha Díli, ita hotu respeita ba lei, ha’u sei lori ba hakik fali iha Ermera Letefóho,” dehan komunidade Carlos de Deus ba jornalista sira iah Manleu-ana, Kuarta 29/05/2024
Iha Sorin seluk Sekretáriu Estadu Asuntu Toponemia no Organizasaun Urbana (SEATOU) Germano Brites Dias, hatete, bazeia ba karta ne’ebé keisa husi komunidade balun iha edefisiu SEATOU nian iha fulan fevereiru liu ba.
“Ohin komesa iha área Fatumeta Osindu dader ne’e ami halo operasaun ba animal fahi bazeia ba keisa husi komunidade ne’ebé mak hato’o ona karta ba iha SEATOU nia fatin iha uulan fevereiro kedas, tanba kestaun tempu ami mai to’o iha ne’e no ohin tempu para ami bele mai duni, la’os fó ona avizu ami mai para halo operasaun, orenta jestaun merkadu paseisa tenki oho ne’e ohin konsege oho i husu ba fahi nain sira tenke muda tiha tanba fó impaktu la di’ak ba komunidade sira iha uma le’et ne’e, ne’ebé mak keisa ba ita depois ita mai halo koperasaun,” dehan SEATOU
Enkuantu iha parte Osindu iha informasaun katak fahi luhan ida de’it hakiak fahi sanulu iha laran entaun foer ne’e mak halo komunidade sira sente laran la di’ak tanba dois, nune’e sira ba halo keisa keisa iha SEATOU, atu bele kaer sai kedas fahi sira ne’e, fahi ne’e tanke hasai ba fatin ida ne’ebé mak seguru labele fó moras ba Ema.
Sekretáriu Estadu ne’e husu ba komunidade sira ne’ebé mak husi Munisípiu mai hela iha Díli atu la bele hakiak fahi iha capital, fahi sir aba hakiak hotu iha foho, to’o tempu lia ruma mak lori mai Díli.
“Ba maluk sira ne’ebé mak mai husi munisípiu hakiak fahi iha Díli di’ak liu tenke lori fila fali ba munisípiu e depois iha lia ruma mak bele lori fali mai Díli Tanba iha sidade ne’e ita mai buka moris no buka servisu la’os atu mai hakiak fali animal hanesan fahi, ne’ebé favor ida husu ba maluk sira ne’ebé hakiak fahi tanba ne’e nia impaktu negativo ba ema seluk nia saúde,” hatutan nia
Nia informa, sira nia parte sei halo koperasaun ho parte polísia atu hare’e ba karau sira ne’ebé mak husik livre iha Kristo-Rei, tanba duni la toman, presiza polísia uza armas hodi hamate de’it.
“Sira ne’ebé mak hakiak karau ou husik hela karau hanesa mós parte Kristu-Rei nian, ita husu ona ba Polísia Nasionál Timor-Leste (PNTL) kordena ho sira para karau sira ne’ebé mak ita duni la toman, ita husu ajuda ba PNTL para uja Armas ne’ebé mak bele oho karau ne’e hodi bele hakmatek iha fatin no mós ita husu ba jestaun merkadu bele halo operasaun ba iha Kristu-Rei nian no mós iha tasi tolu nian ne’ebé mak iha, hodi hare’e tok tempu atu ita bele halo operasaun sidade laran ne’e, buat ida animal ne’e tenki kria sira iha ida-idak nia fatin,” tenik nia
Jornalista : Manuel Andrade/ Estajiada Petronela Nono
Editora : Sandi Belo
