(Díli) Mudansa– Ekipa Konjuntu ne’ebé lidera husi Sekretáriu Estadu Asuntu Toponemia no Organizasaun Urbana (SEATOU) iha loron 15, Fulan Maiu liu ba hamutuk ho Prezidente Autoridade Munisípiu Baukau identifika uma kain tolu ne’ebé mak okupa rai estadu nian iha Munisípiu Baukau Postu Administrativu Baukau Suku Bukoli tanba fatin refere tuir Planu Governu sei hari’i Monumentu ba Saudozu Komandante Visente Reis “Sahe”.
“Tanbá iha ne’eba ne’e Terras Propriedade rai ne’ebé mak foin dau-daun ami prepara ba Saudozu ita nia Maun Visente Reis “Sahe” nia ruin atu tau iha ne’eba, maibé sei akompaña ita hotu rona moral iha ne’eba para servisu ne’e bele la’o ho di’ak maske iha protesta iha lamentasoens sira husi parte okupantes rain nain sira ou maluk sira iha ne’eba, iha dalan legal depois prosesa ba oin ida ne’e mak agora ita iha planu, hakat fila fali ba Baukau atu nune’e ita organiza merkadu Baukau atu halo merkadu foun ou kota baru ida, ita husik livre para bele halo buat ruma iha ne’eba governu bele prepara sidade ne’e halo di’ak hodi fila fali ba sidade Baukau semana oin tan ita ba Munisípiu Covalima bele hare’e saida de’it mak sira iha ne’eba ita tau fatin espasu públiku sira ne’ebé nia Estrada,” lia hirak ne’e hato’o husi Sekretáriu Estadu (SEATOU) Germano Santa Brites Dias, bainhira ho ekipa konjunta ba hasai komunidade Manleu-ana nia animal.
Nia hatutan, bele prepara fatin ba Ministériu Edukasaun hanesan halo uma dinas ou rejidênsia ofisial ba professores sira atu hela ba.
“Depois ita bele hare’e prepara fatin ba Ministeriu Edukasaun karik hanesan eskola, uma dinas, no Edukasaun prezisa professores iha atendimentu kona-ba eskola atu bele halo rehabilitasaun ba rai, nune’e bele hetan fatin seguru, ba professores sira la merese atu hela iha fatin ne’ebé la’os merese ba sira atu hela,”dehan Sekretáriu Estadu (SEATOU)
Sekretáriu Estadu Toponemia no Organizasaun Urbana (SEATOU) informa tan katak, komunidade ne’ebé mak ekipa identifika ona iha área protejida Tasi-tolu hamutuk atus ida resin hafoin ne’e nia husu komunidade sira atu kopera ho Estadu hodi hadia área protejida ne’e antes vizita Amu Pope mai Timor-Leste.
“Tasi-tolu ne’e iha ida (1) ho rua (2) husi entrada ita ba ne’e kuaze 100 itál casas, 80 itál ne’e foti hotu ona iha parte ida besik ba kapela São João Paulo nia mós foti hotu ona no mós mai iha parte tasi ibun tasi rua (2) nian, no tasi rua nian foti hotu ona kuaze 300 itál pessoas, uma ne’e foti hotu ona depois ita elabora tiha hodi entrega ba Obras Públiku mak foti desizaun polítika ne’e atu halo nusa, husu ba sira hodi kopera ho estadu muda di’ak sobu sira nia kalen rasik sira ne’ebé mak todan liu lalika sobu husik ba depois sira ho ekipa ba sobu rasik material sira ne’ebé labele baku rahun depos ita husik hela ba atu nune’e estadu ho governu bele hare’e kona buat sira ne’e,” dehan nia
Nune’e nia hatutan tan katak, sira iha ekipa rua, ekipa id aba halo identifikasaun ba uma nian no ekipa ida husi parte Obras Públika nian atu ba sukat sira nia uma, bainhira dadus sira ne’e kompleta ona hafoin parte SEATOU tu’u ba halo despeza administrativa
“Tanba ne’e mak ohin ha’u hatete dadus sira ne’e elabora hela fó ona ba Ministériu Obras Públika para depois hare’e kuandu Obras Públika ba sukat lo’os hotu ona, ita iha ekipa rua, ekipa ida ba foti identidade uma nian, ekipa ida husi Obras Públika nian ba sukat sira nia uma kuandu lo’os hotu ona entrega sira nia dadus kompleta ona ba Obras Públika ekipa (SEATOU) tomak tun ona ba halo despreza Administrativa iha kraik, ne’e signifika katak Juñu nia laran husi dia 1 ne’e seidauk bo’ok mais meia de Juñu ita tenke bo’ok ona fatin ne’e atu halo preparasaun ba Amu Pope nian,” Tenik Sekreáriu Estadu ne’e
Enkuantu processu indentifikasaun ba komunidade ne’ebé hela iha área protejida Tasi-tolu oras ne’e da-daun sei la’o hela no dadus ne’ebé ekipa (SEATOU) elabora sei entrega hikas ba Ministériu Obras Públiku hodi halo marka ba uma ne’ebé mak komunidade sira okupa.
Jornalista : Inacio da Conceição/ estajiada: Ligia Bruno
Editora : Sandi Belo
