(Díli) Mudansa- Ministériu Agrikultura no Peskas Munisípiu Ermera, Diretór Institutu Servisu Agrikultura, hatete, sira iha difikuldade kona-ba traktór ne’ebé fera rai iha munisípiu Ermera, tanba maioria tratór sira avaria hotu ona.
“Hanesan iha difisiénte ita pronto atu fó apoiu, agora difikuldade ne’ebé hasoru dala ruma mai tratór la iha, mina la iha ne’e realidade iha terenu mak hanesan ne’e, ami nia mina kada tinan ne’e dala ruma tarde , maibé kuandu tarde ona sira mai urjente ami husu sira atu bele ense rasik mina, ami dehan halo akta konkordansia ida hodi ense mina atu bele halo servisu,”esplika Diretór Institutu Servisu Agrikultura Munisípiu Ermera, Marcos de Jesus Martins, iha nia knaar fatin, Fatuquero, Ermera, 19/2024
Nia dehan traktór iha Munisípiu Ermera iha 13 de’it, maibé husi traktór sira ne’e hela tolu de’it mak funsiona hodi halo servisu sira entaun ida ne’e la maximu.
“Apoiu husu tratór iha tinan kotuk dala ruma iha difikuldade balun, dadaun mós iha ami nia fatin kuaze tratór maioria avaria, ita iha munisípiu iha tratór 13, ha’at ne’e iha Sare, sia iha Ermera, haat iha Sare ne’e avaria total, agora iha munisípiu ne’en avaria, hela tolu mak halo servisu la dun maximu tanba iha kondisau ida moras ituan, ita hanoin atu halo manutensaun ba tratór hirak ne’e,” tenik nia
Carlito Soares haktuir, sira ba husu traktó fera rai ba parte Ministeriu Agrikultura Munisipal maibé hetan resposta katak sira ense rasik mina ba traktór hodi fera rai.
“Liu-liu ba hortikultura ne’e ami defisiénsia sira mak ba husu hanesan traktor ne’e araska ituan ne’e susar ida ne’e, tuir lolos ami kuandu ba ne’e prontu ona mas sira husu fali ami hodi ense mina ba traktor, ami mós ba husu modo musan ka fó treinamentu mós labele, ami nia to’os ne’e extensionista sira la ajuda, ami fó osan ba ense mina mak sira fóin mai ta rai, ami mós hakarak hetan fórmasaun hodi kontribui, ami kuda mós kuda los de’it, laiha fórmasaun hodi hasae ami nia koñesimentu,”dehan haktuir
Iha fatin hanesan Diretór Forum Joventude Defisiénte Ermera, Marcos de Dues Martins, haktuir, durante ne’e nia ekipa tenta halo komunikasaun ho parte MAP Munisípiu Ermera maibé la iha resposta pozitivu.
“Durante ne’e ami nia ekipa tenta duni halo komunikasaun maibé sira nia responde mak presiza ense mina hodi responde ba atividade ita halo, ne’e problema ida ba ami,” nia hatutan
Husi parte MAP nian sira la hetan apoiu maibé sira hetan apoiu ba balu husi parte Sekretariu Estadu Joventude no Desportu liu husi fundu empreendedorizmu
“Ita seidauk hetan husi MAP, maibé husi SEJD liu hudi fundu emprendedorismu ne’e ami hetan $100 hodi haforsa no reforsa ami nia atividade kria espasu ba merkadu, apoiu seidauk maximu
Ida mak liga ba governu hanesan Ministériu Komersiu no Industria (MCI sigla Português), no Ministériu Agrikultura Peskas pekuaria i Florestas (MAPPF sigla Português), presiza ekipamentu no ami nia fatin, ami hanoin atu hadia ami nia fatin mas kbiit la too, karik governu iha posibilidade mak governu buka tuir tok hodi apoiu ami, ami mo hakarak hetan kapasitasaun ba membru sira hodi hasae skill no kapasidade liu-liu ba agrikultura,” tenik nia
Jornalista :Sandi Belo
Editór : Veraka
