(Dili) Mudansa –Provedor de Direitus Humanus E Justiça (PDHJ) Virgílio Guterres “Lamukan’ Hateten, iha Tinan 2024, Alokasaun Orsamentu ba Provedor de Direitus Humanus E Justiça PDHJ ho montante US $2,061,391.00. Таха Ezekusaun to’o iha 27 Marsu tinan 2024 nian atinjé ona 15.2%.
“Alokasaun orsamentu ba PDHJ iha tinan 2024 ho montante US $2,061,391.00. Таха ezekusaun to’o iha 27 marsu 2024 ne’e atinjé on 15.2% (Aktual ne’e $ 301,988.08, Obligations: $10,963.12, Commitments ona ne’e: $ 59,186.12) husi parte dezenvolvimentu instituisionól nian,” Dehan Provedor de Direitus Humanus E Justiça (PDHJ) Virgílio Guterres “Lamukan’ iha sala Biblioteka PDHJ Caicoli Dili, 24/04/2024.
Nia hatutan iha seluk PDHJ realiza ona prosesu rekrutamentu lubuk ida ba vaga média profisionál nian atu mai servisu iha programa produsaun audio vizual IT no mós kriator audio vizual nia, tanba kampañia promosau direitus humanus nia agora iha área digital entaun tenke ema ne’ebé iha kapasidade atu utiliza kanál ou plaforma dizítal ne’ebé iha hodi promove direitus humanus nian.
“Tanba ne’e mak presija halo rekrutamentu no iha posibilidade rekruta iha fulan Maiu sira hahú ona, agora dadaun prepara hela relatoriu finanseira ba Tribunal kontas lei haruka katak entidade públiku hotu-hotu molok fulan Maiu remata tenke hatama relatoriu despesa ba Kámara de kontas,” nia dehan
Agora dadaun PDHJ prepara ona nia prosesu 30% iha ona, Alende ne’e relatoriu sei ba Tribunal de Kontas no mós ba iha esbosu ba relatóriu finanseira no relatóriu atividade hodi hato’o Parlamentu Nasional (PN) no nia estatutu agora ne’e 30% ona,” Hakotu PDHJ Virgílio Guterres “Lamukan’.
Jornalista : Gaudencia Belo
Editór : Veraka
