(Díli) Mudansa- ONG LAIFET (Labour Advocacy Institute Of East Timor) hanesan organizasaun ne’e durante ne’e akompña prosesu tomak kona komunidade afetadu Anin-Fuik, Kampun Alor, liuhosi nia Diretór Domigos de Araujo Baptista esklare katak, Deklarasaun ne’ebé fó sai hosi Amo Kardial katak Governu la uza Sua Santidade nia naran hodi halo evikasaun Urjente ne’e nia dehan Amu Kardial asesu ba fontes ida de’it hodi halo konkluzaun.
“Ami ho respeitu tomak ba Amu Kardial. Ami hakarak hatete de’it katak deklarasaun ne’ebé fó sai hosi Amu Kardiál. Ne’e Amu Kardial asesu de’it infórmasaun hosi fóntes ida. Maibé la asesu ba infórmasaun iha baze katak infórmasaun ne’e los ka lae,” dehan Diretor ONG LAIFET (Labour Advocacy Institute Of East Timor) Domigos de Araujo Baptista foin lalais ne’e.
Nia konta katak, iha loron 4 fula abril 2024, hosi Ministeriu Obras públikus hasai karta infórmasaun ida hanesan mós konvite ba komunidade uma kain 21 iha Ai-Tarak laran, iha loron tuir mai, MOP kovida komunidade sira atu halo sorumutu ida ho MOP.
Iha karta ne’e nia laran, MOP mensiona katak, objetivu hosi karta konvite ka karta infórmasaun ne’ebé dirije ba komunidade sira ho razaun dalan ida hosi Ministeriu Finansa nian sae mai Palasiu Prezidente nian, dalan ne’e kategoria urgente tanba liga ho vizita amu Papa nian mai Timor-Leste.
Sé Amu Kardial mak asesu ba karta ida ne’e karik, karta ida ne’e kontradis oituan ho karta ida ne’ebé mak fó sai hosi Autoridade Munisípiu Díli. Karta ne’ebé mak hosi Autoridade Munisípiu ne’e karta sirkular ida ne’ebé fó hosi sekretariu Estadu Toponomia hodi Autoriza ba Presidente Autoridade Munisípiu Hotu-Hotu atu bele iha kordenasaun no Kolaborasaun ho SEATOU hodi Oinsa atu tau matan ba Espasu Publiku sira ne’e
Maibé karta ida ne’ebé fó sai husi MOP ne’e, Mesiona direita katak, dalan ida ne’ebé hosi Ministeriu Finansas sae mai Palasiu Prezidente ne’e Urjenti ligadu ho Vizita Amu Papa nian. Deklarasaun iha Loron 17 fulan April 2024 liu ba, iha momentu Eviksaun Sekretariu Estadu Toponomia mós Ko’alia katak tenki ser hala’o Servisu ho Urjenti tanba liga ho Vizita amu Papa nia mai Timor-Leste no sei iha mós partisipante 700,000 tanba ida ne’e mak sira tenki aselera Prosesu sira ne’e hotu.
“Karta ne’ebé mak asesu husi Amu Gabriel ne’e karta ne’ebé mak Klaru, ami iha Evidensia no Argivu ba Video ne’ebé mak Sekretariu Estadu Toponomia ko‘alia katak dehan Projetu ida Obras Publiku nian husi Ministeriu Finansas nian liga mai iha Palasiu Prezidente liga mós ho Vizita amu Papa nia mai Timor-Leste,” dehan nia
Prezidente Autoridade Munisípiu to’o atè a data seida’uk halo notifikasaun ba Komunidade Ai-tarak laran ou Karta ruma ba iha Komunidade afetadu uma kain 21,ne’e la iha. Komunidade afetadu iha Ai-tarak laran ne’e sira nia Prosesu liga ho Ministru Obras Publikus, Tanba Ministru Obras Publiku mak responsavél ba projetu ne’e.
Iha Sorin Seluk, Xefe Aldeal Anin-Fuik Frangelino Maia klarifika, karta ne’e mai hosi MOP liuhosi direção Geral estradas Pontes Prevenção Controlo de Cheias (DGEPCC) iha oin rua, karta dahuluk ko’alia kona ba uma semi permanente, permanente no temporariu. Daruak ne’e kona ba se karik komidade la aseita karik sei notifika no servisu ne’e urjente tanba vizita Amu Papa.
“Ita seidauk hetan karta ida hosi Autoridade Munisípiu. Relasiona ho deklarasaun Amu Kardial nian, ami nu’udar povu sente triste,” hakotu nia.
Ekipa MD
Editor : Veraka
