(Dili) Mudansa – Mosu diskriminasaun husi Estadu no governu Timor Leste tanba subsídiu ba ema ho defisiénsia vale de’it ba ema ne’ebé to’o tinan 17 ba leten maibé subsídiu refere la vale ba labarik ki’ik sira ne’ebé ho kondisaun defisiénsia.
Diretór Ezekutivu Asosiasaun Defisiénsia Timor Leste (ADTL) Cesario da Silva informa, subsídiu ba ema defisiénsia idozu ne’ebé idade 17 ba leten bele prienxe rekezitu hodi hetan subsídiu maibé labarik ki’ik sira husi tinan 0 to’o 16 la hetan subsídiu maski kondisaun defisiénsia.
“Estadu ho governu esklui tiha labarik sira ho idade ki’ik 0 to’o 16 maibé tuir lójika ita konsidera labarik sira ne’e mak presiza duni tulun husi estadu hodi dezenvolve sira nia kresimentu no tratamentu ne’ebé nesesita ho sira nia kondisaun,” Dehan Diretor ADTL ba jornalista hafoin remata selebrasaun loron mundiál ema ho defisiénsia iha CCD Dili sesta ne’e, 1/12/2023
Maibé realidade subsídiu ne’ebé iha foin hatán de’it ba ema boot tinan 17 ba leten tanba ne’e nia ezije atu governu kria kondisaun ba labarik sira ho defisiénsia ne’ebé esklui husi programa subsídiu hanesan dadaun ne’e.
“Idade 0 to’o 17 bele ezije ba governu liuliu subsídiu tanba ema ho diferensiál nia rekezitu mak tinan 17 ba leten hetan subsídiu bainhira prienxe rekezitu,” nia tenik
Diretór Cesario hateten, idade 16 konsidera labarik sira ne’e presiza apoiu husi estadu hodi tulun sira bele ba eskola no mos nesesidade.
“Subsidiu ba ema ho defisiénsia tuir dadus ne’ebé iha hamutuk ema na’in rihun haat no subsídiu ida tan bolsa da maen jerasaun foun eleminadu husi governu da sia pur volta 200 labarik ho defisiénsia ba subsídiu ida ne’e,” Hakotu Nia
Jornalista : Gaudencia Belo
Editor : Orlando Magno
