(Dili) Mudansa – inan nia luta ba oan sira nunka hotu tan domin husi inan ba oan sira la iha rohan no ninin basa inan mak sai huun ba domin lolos.
Hanesan mós Negosiante Maria Sani nu’udar inan ida sempre esforsu nia an maibé nunka atu sura nia kolen tanba buat hotu nesesidade mak obriga tanba ne’e Maria mós luta maka’as oinsá oan sira bele hetan futuru ne’ebé nabilan.
“kada loron Hau fa’an haas tuir dalan dalan iha loro laran maibé la sente manas, rai uut falun metin ha’u ain maibé ha’u nafatin hakat ba fa’an hodi hetan netik osan oituan tanba hakarak ha’u-nia oan tenke susesu ho futuru ne’ebé nabilan la’ós nakukun,” Dehan Maria Sani ba Media Mudansa iha Dili Tasi tolu Quinta ne’e, (12/10/2023)
Nia konta, haas ne’ebé sira fa’an ida ne’e sosa tutan fali, haas fuan 5 $.1.00 hodi mai koá tau iha plastik rua ne’e $.0.25.
Nia Informa, Osan ne’ebé loroloron hetan husi negosiu ne’e rai hamutuk no loron Ida fa’an haas toples Ida nakonu karik ema sosa hotu entaun loron ida hetan netik osan $.5.00 Se lae $.7.00.
“Osan ne’ebé loroloron ha’u hetan husi negósiu ne’e, balun ha’u tau ba kofre hodi selu ba selu oan nia eskola karik foti ida ne’e de’it no balun rai hodi hola netik ba nesesidade loroloron nia Ha’u-nia oan agora dadaun eskola iha São Miguel Sma Klass 2 eskola ne’e mós kada fulan Ida selu $.15.00 ,” Tenik Nia.
Maski loron manas no Anin maibé Maria Nafatin pasénsia hodi fa’an haas tanba servisu ida ne’e mak nia bele halo tan la iha servisu seluk ida mak Maria atu halo.
Maria deklara, halo negósiu haas la’ós buat foun ba nia tanba Maria hala’o atividade negósiu ne’e to’o ona tinan tinan tolu ona hahú husi 2021 to’o agora 2023,
“Maluk feto sira ne’ebé forma ona familia lalika moe no keta tauk atu halo negósiu saida de’it mak iha, nafatin lao ba oin labele hein de’it laen nia servisu maibé feto mós tenke servisu hodi ajuda katuas oan hodi oan sira ba eskola,” nia hakotu.
Entretantu Nosiante Maria Sani Orijen husi Rejiaun Administrativu Espesiál Oe-kusse Ambenu (RAEOA), dadaun ne’e Maria nia kaben (la’en) nu’udar badaen nia la’en iha ne’ebé dadaun ne’e konstrui hela Uma iha Becora Dili.
Jornalista : Gaudencia Belo
Editor : Orlando Magno
