(DILI) Mudansa-Lansamentu ba Asosiasaun Ajensia Viajen no Operadores Turismu Timor-Leste (AAVOT-TL) ho hodi asegura turista sira ho maneira ne’ebé mak justu hodi ajuda asosiasaun ne’ebé mak fórti hodi atrai liu tan vizitante sira wainhira mai vizita Timor-Leste hodi promove liu tan klinte no turista sira.
Asosiasaun nia vizaun mak, asaun fó edukasaun turismu iha Timor leste diversifika ekonomia no hakarak hamosu oportunidade ba empregu ba sidadaum hotu, misaun promove no estabelese koperasaun ho governu no setór relevante sira
Tuir Prezidente Asosiasaun Viajen no Operadores Turismu Timor-Leste Indawati Maria dos Santos Jerónimo hateten senti urgullu servisu hamutuk ho profesionais no lideransa tomak iha setór turismu nia hodi bele hafórsa liu tan turismu iha rai doben Timor-Leste.
“Nu’udar prezidente Asosiasaun ha’u kontenti iha konfiansa tomak katak atu servisu hamutuk ho parseiru hodi halo tuir servisu asosiasaun nia hodi bele promove turismu Timor-Leste ha’u iha esperansa bo’ot hodi halao jornada no hakarak atu halo diferesnsia iha industria turismu hodi kontrui futuru ida ne’ebé mak brilante ba industria no turismu iha Timor-Leste,”dehan Prezidente asosiasaun viajem Indawati Maria Jerónimo iha nia diskursu, iha Suai Room 16/10/2023
Prezidente Asosiasaun Ajensia Viajem no Operador Turismu iha Timor-Leste akresenta servisu hamutuk ho parseiru sira hodi bele hafórsa liu tan turismu iha Timor-Leste tanbá ne’e presiza esfórsu hamutuk atu bele hetan resultadu ne’ebé signifikativu no sustentavel atu bele atinje dezenvolvimentu sustentavél no bele fó benifisiu ba setór turismu no ba komunidade lokal sira
“Asosiasaun fóka liu ba orientasaun ne’ebé mak klaru no hasae padraun kualidade hodi harii turismu ne’ebé responsavel Asosiasaun tenke asegura regulamnetu kona ba direitu konsumidores no asosiasaun iha direitu tomak hodi promove no fó esperiensia ne’ebé diak liu ba klinte no turista sira,governo no turismu nian liu husi komunikasaun ne’ebé klaru no abertu hodi bele hamosu idea no pratika inovasaun hodi maksimiza kresimentu turismu iha Timor leste,” katak nia
Iha fatin hanesan Prezidente autoridade turismu Timor-Leste Virgilio smith hato’o parabens ba autoridade liu liu inan feton sira ne’ebé mak iha inisiativa rasik hodi hamoris ona Asosiasaun Ajensia Viajem Operadores Turismu Timor-Leste impotante tebes hodi bele promove setór turismu iha Timor Leste
“Ho inisiativa husi ita nia inan feton sira ne’ebé mak bele hamoris ona Ajensia viajem Operdaores turismu Timor-Leste parabens ba imi hotu kontenti tanbá autoridade nu’udar instituisaun fóun ida atu bele lao sei iha faze parserial no iha setór nasional espesialmemte ba kamara komersiu industria Timor-Leste tanbá ita ko’alia kona ba oinsa atu promove setór turismu iha Timor Leste ,” afirma Virgilio
Nia akresenta, Timor-Leste sai membru Asean konserteza vizitante sira mai vizita ita nia rai timor leste atu promove turismu timor leste mos ita nia kondisoes segmente oinsa ita atu define fatin sira ne’ebé mak nu’udar turistiku iha timor leste para bele garante koperasaun
Entretantu dadus husi Asosiasaum Ajensia Viajen no Operador Turismu Timor Leste hamutuk 29 mak hanessan, Obrigado travel,Rozi travel,Ecodiskovery, Dimarzomika ,Ianta Tour &travel,Revelouse travel,Aby travel, DJ Cristovão, Orion Tour Travel,Ramelau Travel,Fatubesi Tour Travel,Sugar travel, Gesano travel, Altymax tour & travel Lidibear Tour travel ,Luvi travel, Mega tours,Dili Word travel ,Cofi Ajencia,Jauxim ajencia, Bronjel unip.Lda, zelari travel, Hagali Ajencia ,Orange travel, STAT, Venjus, Sesmaro Loiata, Sanel
Jornalista :Domingas Viana
Editor : Felisberto F. da Costa
