(Dili) Mudansa – Sekretariu Estadu Sekretáriu Estadu Formasaun Profisionál no Empregu (SEFOPE) deskobre Traballador Timoroan iha Korea no Autralia lubuk ida mak halai sai husi sistema tanba hakarak saláriu boot no lakohi kontribui ba taxa Estadu
Asuntu ne’e Sekretáriu Estadu Formasaun Profisionál no Empregu (SEFOPE) Rogério Araújo Mendonça, hatete, bainhira partisipa iha despedida Traballador Timoroan na’in-50 ho Governu iha Timor Lodge, Sesta 04/08/2023
“Ko’alia kona-ba traballadór ilegál la’ós kulpa husi Adidu Timor-Leste iha estranjeiru maibé ha’u atu dehan ba públiku bele hatene traballadór ne’ebé sai ilegál, tanba sira hakarak manán osan boot no lakohi kontribui ba taxa governu nian,”Dehan Rogerio.
Nia haktuir, Traballadór ne’ebé husik hela Feen no Laen iha Timor Leste no balu forma fali uma kain iha ema nia rain tanba ta’uk atu fila mai Timor-Leste tan ne’e foti desizaun hodi halai sai husi sistema.
“Sira ne’ebé serbisu iha Railiur, ita hotu akompaña balu gosta malu, kaben tan iha ne’ebá no ta’uk ona família iha Timor-Leste, sira aplika ona viza protection 408, ida ne’e maka isu boot dadaun ne’e espalla iha públiku,”Tenik nia
Enkuantu relasiona ho asuntu ne’e mak adidu sira iha Estrangeiru hala’o serbisu maximál teb-tebes, ne’ebé kada trimestrál sira sempre hato’o relatóriu mai iha SEFOPE liu husi diresaun SEFOPE nian.
Nia dehan traballadór sira ne’ebé ilegál la bele dehan Governu tenke buka solusaun ba ida ne’e, karik solusaun ema ne’e bele fila maibé emprezadór sira iha Estrangeiru mós bele monu hotu, razaun tanba rai na’in rasik lakohi serbisu ona ho buat todan.
“Atu kria sistema ida ba traballadór ilegál sira, entre Governu ho Governu bele hela maibé kompañia ne’ebé agora empregu ema iha estranjeiru, sira rai na’in rasik lakohi serbisu todan, entaun ita sira iha Timor ho nasaun seluk mak ba serbisu iha ne’ebá, sei Governu haruka sira fila, automatikamente kompañia ne’e monu,”Katak nia
Entretantu tuir dadus ne’ebé Media Mudansa asesu, Traballadór ilegál Timoroan hamutuk 1100 kompostu husi Austrália na’in atus haat (400) ho Korea súl nian hamutuk na’in 700.
Jornalista : Mariano Do Santos Abi
Editór : Orlando Magno
