Estudante DIT Aprezenta Rezultadu Peskiza Monumentu Iha TL, Hamutuk 132

banner 120x600

(Dili) Mudansa – Estudante Dili  Institute Of Tecnhologi (DIT)  Departamentu  Gestaun viajen fakuldade Turismo no Hospitalidade halo aprezentasaun rezultadu peskiza ba monumentu antigu ne’ebé lokaliza iha Timor laran.

Objetivu husi aprezentasaun peskiza ida ne’e estudante sira buka atu hatene patrimóniu kultura hodi valoriza no dezenvolve turizmu no kultura iha rai laran.

Dosente DIT husi Departamentu Turismo Jasto Pereira informa, Resultadu husi peskiza badak ida ne’e hanesan prosesu identifika ida hodi estudante sira aprende hodi kompleta ba sira nia ezame finál hodi dezenvolve setór turizmu iha rai laran

“Iha prosesu aprendizajen estudante sira hetan teoria oinsá bele define, saida mak patrimóniu kultura hodi halo balansu ba teoria atu estudante sira bele prátika liu husi peskiza badak hodi identifika patrimóniu kultura monumentu iha Timor leste hodi hamosu sira nia ideia ba kontribuisaun liuliu iha ida-idak nia munisípiu,” dehan Dosente Jasto ba jornalista iha Salaun DIT Manleuana Dili, Kuarta 28/05/2023

Nia relata totál dadus ne’ebé mak durante ne’e estudante sira halo peskiza badak kona ba monumentu iha munisípiu 14 estudante sira konsege identifika monumentu  hamutuk  (132).

Dadus sira ne’e hanesan rezultadu ida ba estudante sira utiliza hodi hatutan no aplika fali ba estudante sira seluk liu liu iha área departamentu turizmu no departamentu Gestaun viajen nian

Iha fatin hanesan, estudante DIT Marquita de jesus husi departamentu Turismo haktuir durante loron tolu halo peskiza ba monumentu iha munisípiu Lautem, maski hasoru dezafius barak maibé konsege identifika duni monumentu iha munisípiu Lautem

“Monumentu ne’ebé ami grupu peskiza halo iha munisípiu Lautem maski distánsia ne’ebé dook maibé ami konsege identifika monumentu balun mak hanesan, monumentu Heroi da Pátria ne’ebé lokaliza iha Luro, monumentu Atikurus iha Lautem, monumentu Chai Waca lokaliza iha postu Lospalos, monumentu Mapiteni  lokaliza iha Lospalos, monumentu Que Japão lokaliza iha Lore no mós pouzada Tutuala lokaliza iha postu Tutuala,”informa Marquita

Nia haktuir Monumentu ne’ebé iha munisípiu Lautem liuliu iha postu estudante sira konsege identifika hotu, maski postu no munisípiu  dook malu, estrada aat no transporte balun ne’ebé la konsege atu to’o maibé ho vontade tomak bele elabora rezultadu ne’ebé relevante ho sira nia matéria refere.

Marquita akresenta ,iha tempu peskiza sira labele halo entrevista xefe-suku no lia na’in  sira tanba atu tama ba festa páskua entaun sira labele fó sai informasaun  ne’ebé klaru Maibe sira kontinua buka informasaun kona ba monumentu sira.

Tuir Dadus rezultadu peskiza totál monumentu iha Timor-Leste hamutuk 132 kompostu husi monumentu japonés 4, monumentu portugés 62, monumentu okupasaun Indonézia 34 no mós monumentu ne’ebé halo iha durante independénsia hamutuk 25.

Jornalista : Domingas Viana

 Editór       : Orlando Magno

banner 325x300