(Ermera) Mudansa – Xefe suku Malabe Potu Atsabe Município Ermera, Adelino Gomes informa, Kona ba kontajen votus iha sentru votasaun Malabe partidu husi númeru 1 to 17 manán na’in mak partidu ho númeru sorteiu 12 CNRT ho nia totál votus 5.78.
“Rezultadu kontajen votus iha ne’e (PDN=0), (PLPA = 1), (PLP = 25), (PD = 29), (KHUNTO = 4), (PVT =5), (UDT =0), (PUDD = 7), (PR = 0), (UNDERTIM = 0), (FRETILIN = 149), (CNRT = 578), (KSDTL = 1), (PLPM = 0), (PST = 5), (PDC = 1) (APMT = 87), (REKLAMADU = 0), (REZEITADU =0), (BRANCO = 0), (NULU = 5),” dehan Xefe Adelino ba média Mudansa via telefone, Domingu, 21/05/2023.
Tuir nia, Situasaun durante hala’o votasaun situasaun iha bairru laran hakmatek la’o ho disiplina hahú tuku 7 to tuku 3 oras Timor Leste la’o normál tanba hetan seguransa másimu husi Parte seguransa PNTL, F-FDTL no mós husi nasionál CNE ho STAE.
“Hau hanesan autoridade iha suku ida ne’e ha’u-nia observasaun husi dadeer to’o lokraik ha’u-nia komunidade sira partisipa ho másimu iha eleisaun parlamentár 2023, no mós estudante sira ne’ebé iha kartaun eleitorál sira partisipa hotu,” nia afirma.
Nia relata estudante sira ne’ebé iha sidade Dili iha husi suku ida ne’e sira hotu partisipa maibé sira ne’ebé la mai dala ruma fallansu iha transporte tanba loron ikus loron horiseik ba transporte públiku ne’e arraska tebes ne’ebé difikulta tebes iha sira nia munisípiu hodi ezerse sira votu.
Jornalista : Esperança Monteiro Soares
Editór : Orlando Magno
