(Dili) Mudansa – Ministra Saude Odete Maria Freitas Belo informa, nia parte hato’o agradese wain ba Organizasaun Mundial Saude (OMS) ne’ebé lori ema matenek na’in 15 mai fahe informasaun ou partilla hela esperiénsia ba Timor oan atu kontra moras tolu (3) ne’ebé durante ne’e ema hotu preokupa.
“Ita agradese tanba iha ita-nia leet iha ema matenek ne’ebé bele fahe informasaun no esperiénsia ba ita atu bele kontrola moras HIVSIDA, Malaria, Tuberkulozu ne’ebé durante ne’e ita luta hasoru,” dehan Odete Maria iha nia diskursu iha Novu Turismu Dili, kuarta 05/03/2023.
Nia relata, ohin hare surat tahan sira bar-barak ne’ebé atu bele tau hamutuk no livru sira ne’e la’ós fasil maibé ikus mai mosu gráfiku no mosu ho informasaun.
“Agredese tebetebes tanba imi bele koopera ho ema no ko’alia ho ema maski ita-nia dadus sira ne’e mai ho surat tahan ne’ebé diferente maibé imi koko no halo ema bele foti informasaun ne’e no reviu ita-nia dokumentus inklui dadus sira ne’e,” nia relata.
Nia relata, esforsu ne’ebé saúde ne’e halo ezemplu ne’ebé bele hatudu programa tolu (3) HIVSIDA, Malaria ho Tuberkolozik, Ida ne’ebé hatudu, bele redús ou halakon moras Malaria.
“Hau kontente tanba bele hamriik iha ne’e rona diálogu ne’ebé ohin halo aprezentasaun atu bele iha Ita-nia programa 3 ne’e Ita bele hatene nia prosesu la’o to’o ona iha ne’ebé no nia progresu oinsá,” Odete esplika.
Estajiadu : Zemidonio Martins Remiza Locateli.
Editór : Orlando Magno
