(Dili) Mudansa – Sua Eminênsia Dom Virgilio Cardeal Do Carmo da Silva informa, Selebrasaun festa páskua parte ida atu inspira sarani sira bainhira eleisaun atu hili lider ne’ebé hatene hadomi no serví nia povu la eziste interese privadu
“Lider ne’ebé loloos maka hadomi nia povu haluha ninia an no mós tau interese povu nian mak aas liu, ida ne’e mak ha’u hanoin lider ida ne’ebé di’ak,” dehan Dom Virgilio Cardeal ba jornalista remata misa selebrasaun festa páskua iha igreja katedrál Dili, Sabadu 08/042023.
Nia afirma, se sarani sira tuir didi’ak Paskua ne’e, bele sai inspirasaun ida ba hodi hare husi selebrasaun páskua, ne’e tau kristu mak nu’udar sentru atu inspira sarani sira atu hili lider iha eleisaun tinan ne’e.
“Se ita sarani hotu tuir di’ak páskua ne’e ita hein katak páskua ne’e bele inspira ita hotu-hotu atu nune’e bele hatene hili lider ne’ebé Hatene serbí, Ha’u hanoin ita ukun rasik kleur ona, ita Hatene ona ita-nia lider sira ne’ebé iha duni fuan ba povu ida ne’e no hakarak di’ak ba povu ida ne’e,” nia hakotu.
Jornalista : Ekipa Media Mudansa
Editór : Orlando Magno
