Motorista Motorizada Kanek Todan, Kondutór Bemo Halai Lakon Husi Fatin Akontesimentu

banner 120x600

(Dili) Mudanda – Asidente tráfiku entre Mikrolete númeru 11, sapa matríkula 37-436tl. ho Motorizada Honda Beat  sapa matríkula (H. 7735) rezulta motorista Motorizada nia Kondisaun grave maibé kondutór mikrolét halai lakon husi fatin akontesimentu.

Akontesimentu ne’e akontese iha Domingu 08/04/2023, tuku 5 lokraik iha areadores Uma Adat tasi tolu Dili, hafoin asidente ne’e akontese, liu minutu balu Polisia Tranzitu to’o kedas fatin akontesimentu hodi haree no hala’o knaar tuir Tranzitu nia servisu.

Tuir observasaun média Mudasansa nia iha fatin akontesimentu, motorista motorizada hetan kanek todan iha parte ulun no mós ain maibe iha ema laran luak balu lori ona nia ba ospital hodi halo tratamentu.

To’o notísia ne’e publika, Media Mudansa seidauk hetan konfirmasaun husi parte polísia Tranzitu munisípiu Dili kona-ba kauza husi asidente trafiku tanba sei okupadu hela ho asuntu importante balu.

Jornalista : Ekipa MediaMudansa

Editór         : Orlando Magno

banner 325x300