Arte Mak Elementu Pozitivu Atu Hametin Pás Halakon Konflitu

banner 120x600

(Dili) Mudansa – Festivál ida ne’e nia objetivu atu halo sosiedade eskluziva tanba tempu to’o ona atu halo solidariedade hamoris Pás no estabilidade iha sosiedade nia leet tempu no mós tempu to’o ona atu halakon diskriminasaun inklui konflitu ita nasaun ida ne’e.

Asuntu ne’e hato’o husi Eis primeiru ministru Mari Bin Amude Alkateri liu husi nia diskursu iha serimónia Primeira Festival ba Joventude loron daruak nian ne’ebé realiza iha Portu Dili, sábadu 15/04/2023.

“Ita lori juventude sira mai iha ne’e hanesan boksista, kantores, estudade sira husi Universidade halo debate, modelista no mós membru arte marsiais sira, hirak ne’e hotu agora tuir dalan furak tebes tanba sai arte protesaun komunidade nian, tanba arte nia objetivu atu sai elementu pozitivu hodi hametin Pás no estabilidade la’os lori konflitu mai ita,” dehan Fundador RDTL Mari Alkatiri.

Nia afirma, ida ne’e mak juventude duni, no ida ne’e mak dinámika juvenil nia atu lori rai ne’e ba oin, akontese buat barak maibé objetivu hakarak lori rai ne’e ba oin tanba hakarak timor lakohi eziste konflitu iha futuru.

“Oan no bei-oan sira futuru imi-nia no futuru ita-nia kontinua iha dalan ida inkluzaun dalan la diskriminasaun tanba ne’e parabéns ba ita hotu iha ne’e no iha fatin hotu hotu,, hanesan fundadór RDTL Ha’u kontente tebes ho atividade festivál ida ne’e,” nia esplika.

Nia relata, Haree estudante sira hatudu matenek no kreatividade, pintór sira mai iha ne’e pinta dezeñu oioin konsege komprende duni haree ba imajen ne’ebé sira pinta signifika sira komprende husi atividade primeiru festivál ne’e nian.

“Ha’u hato’o parabéns ba estudante no arte hotu-hotu liuliu ba Pintores sira tanba kada pintura sempre ho ninia signifikadu, difisil tebes mai ita atu klarifika primeiru segundu no terseiru lugár tanba ida-idak ho nia arte maneira rasik,” nia hakotu.

Estajiada : Isabel de Fatima

Editór       : Orlando Magno

banner 325x300