(Dili) Mudansa – Prezidente Komisaun Nasional Eleisaun (CNE sigla portugés) Jose Belo informa, CNE Servisu hamutuk ho Radiu Televisaun Timor-Leste Emprezariu Públiku (RTTL.EP) fó palku ba juventude liuliu feto sira iha partidus hotu tuir planu debate ne’e sei realiza iha dia 27-28 abríl 2023.
Objetivu husi debate ne’e, objetivu importante CNE oferese palku importante ida ba joven partidu polítiku sira aleinde debate husi lideransa Partidu polítiku sira, maibé espesiál ba juventude liuliu feto sira kandidatu liu lista iha hela.
“Palku ida ne’e sira hetan oportunidade ita ko’alia kona-ba konseitu tranzmisaun jerasional no mós dezenvolvimentu juventude feto sira nian oinsá Timor ne’e ba futuru, tanba ne’e mak situasaun ida ne’e la hanesan ho debate sira uluk ba de’it partidu,” Dehan Prezidente CNE José Belo ba jornalista sira iha salaun Laline-Larigutu CNE Kaikoli Dili,Tersa, (25/04/23).
Tanba agora oferese tan palku ida bele esplika hatudu sira nia papél oinsá mak atu fó aproximasaun matéria ne’ebé di’ak iha debate ne’ebé furak bele muda joven no populasaun tomak oinsá atu konkista tempu eleisaun bele fo votu.
José afirma, tuir peskiza ne’ebé iha, joven sira kolia kona-ba traballadór nia nesesidade, tanba iha ona sira ne’ebé idozu iha terseira idade veteranu sira iha subsídiu.
“Ita tenke ko’alia mós joven sira nia nesesidade kona ba sira nia konseitu no hanoin hodi kontribui ba oin, liu husi kanál ida importante debate iha palku nune’e ema hotu asiste karik povu ne’e fó fiar Eleitor sira hakarak hili ida ne’e mak sai komitmentu joven feto no mane ba futuru oin mai.” Nia subliña
Tanba ida ne’e grava CNE sei koordena ho RTTL labele fó sai de’it dala ida bele mós dala rua se tempu legál sei permite, tanba CNE hakarak kampaña ida ne’e bele hanesan ba hotu-hotu, tanba partidu hotu partisipa tratamentu hanesan.
“Ita hakarak dehan pensamentu ne’ebé iha vizaun partidu sira iha liuliu joven feto sira hato’o perspetiva ne’ebé sira iha sente katak tinan 5 sira halo atividade ida ne’e mak tempu momentu hodi sira hato’o ka fó sai ba Públiku katak sira konkorre, maibé ho vizaun ho konseitu ne’ebé diferente,” Nia akresenta.
Governante ne’e hateten, ida ne’e hanesan kestaun téknika CNE sei konfirma ho Parte RTTL maibé importante hakarak dehan fó sai lais liu tan hodi ema bele akompaña iha tempu ne’ebé natoon.
Perguntas agora daudaun ita haree sei natoon maibé CNE prepara simu husi parte hotu ne’ebé tama mai , la’os pergunta de’it agora RTTL mós sei servisu hamutuk ho CNE.
“Ita rona mós povu nia lian iha Munisipiu iha opiniaun barak ne’ebé iha ita sei halo selesaun hato’o mós ita loke tia sira hotu hotu haree bele halo resposta ba realidade ne’ebé iha.” Prezidente CNE Tenik.
Aleinde ida ne’e mós Planu ne’ebé iha CNE esplika ona ba iha partidu sira katak sei iha loron 16-17 no dia 18 fulan Maiu sei iha debate ba partidu sira ba iha nivel Partidus la ko’alia kona ba juventude feto, maibé la taka dalan, karik partidus sira haruka joven feto ida mak mai reprezenta partidus.
“Lideransa sira ne’ebé iha ita la taka dalan importante ita-nia hakarak iha ne’ebá sei live ita fahe ba grupu iha primeiru no segundu ida ikus hotu hotu hamutuk hodi sira koñese malu bele mós deskobre malu,” Dehan José Belo.
Preparasaun halo ona teknikamente pergunta mai husi Instituisaun Estadu sira ne’ebé halo debate ida furak, Moderador barak bele mós halo selesaun, tanba ida ne’e presiza haree ba kondisoens.
“Tanba perspetiva BANKU Mundial nian ita rasik labele dehan di’ak hela, maibé ema seluk dehan ita sei moras hela, tanba ne’e servisu hamutuk no ajuda ita-nia partidus sira mai karik ukun bele halo dezenvolvimentu ba ita-nia rai.” Nia relata.
Juventude husi partidu Politiku sira sei fahe ba grupu 2 iha loron 26-27 no fahe ba iha parte dadeer dia 26 maka PD, PLPM no UDTM partidu 3 sei halo abertura ba debate Joventude ne’e iha oras tuku 10:00 to’o tuku 11:30 otl.
Tuir fali parte meudia maka PLP, CASDT no PST sei debate iha oras tuku 2:00 to’o tuku 3:30 iha debate ne’e ema na’in 2 mane 1 no feto 1, iha parte loraik ba debate nian maka partidu PDN, PVP no FRETILIN sei debate iha oras tuku 4:00 to’o tuku 5:30.
Debate ba grupu II Iha dia 28 dadeer nian maka partidu APMT, CNRT no UDT sei debate iha oras tuku 10:00 to’o oras tuku 11:30, nafatin grupu II parte Meudia maka partidu PLPA, PR no PUDD sei debate iha oras tuku 2:00 to’o oras tuku 3:30 ikus liu partidu 2 de’it Khunto no PDC iha oras tuku 4:00 to’o oras tuku 5:30.
Jornalista : Delfina Borges
Editor : Orlando Magno
