MAF Timor-Leste ho USAID ne’ebe sai parseiru ba lansamentu, sei selebra planu atu halu operasaun ba orariu voo domestiku regular ne’ebe sei sai hanesan eventu espesial ida ba iha fulan ida ne’e.
Voo regular ida ne’e planea sei semo entre sidade hitu no kapital Dili ne’ebe sei hahu iha loron 20 fulan Marsu relasiona ho aprovasaun husi governu.
Diretor Nasional MAF Timor-Leste, Nick Hitchins hateten nia enkoraja tebes ho inisiativa ba voo regular ida ne’e no senti haksolok tebes oinsa inisiativa ida ne’e importante tebes ba komunidade rejional sira.
“Resposta inisial husi ami nia parseiru NGO (organizasaun non-governamental) sira enkoraja tebes ami no mos ho dialogu ne’ebe foin lalais ami halo hamutuk ho autoridade no lider lokal sira iha distritu hatudu sira nia apoiu masimu no entuziasmu ba oportunidade ida ne’ebe sei lideradu lokalmente,” tenik Sr. Hitchins.
“Sira bele hare katak ami koko atu hatur infraestrutura ida ne’ebe sei fo poder ba povu sira hodi kria oportunidade barak iha sira nia moris rasik,”
“Ami hari hela koneksaun no komunidade sira bele deside oinsa sira atu utiliza oportunidade ida ne’e,”
Voo hirak ne’e sei hahu husi Dili, no sei serve fatin importante sira hanesan: Atauro, Maliana, Vikeke, Same no Lospalos, ne’ebe sei subsidiu masimu husi MAF nia doador internasional sira ba komunidade lokal sira iha distritu.
“Ha’u haksolok tebes hodi bele hola parte iha organizasaun ida ne’e no utiliza fundu sira ne’ebe mai husi koneksaun doador internasional sira hodi kria oportunidade ba povu Timor-Leste,” Tenik Sr. Hitchins
“Apoiu ida ne’e suporta husi MAF nia doador sira iha mundu, no kolabora ho ami nia parseiru ba lansamentu USAID, ida ne’e esensial ba ami nia inisiativa umanitaria ne’ebe laos atu hetan profit maibe hare liu ba iha idea lokal ba komunidade lokal sira.
“MAF orgullu hodi realiza eventu lansamentu ofisial ne’ebe halo koperasaun ho USAID Tourism for All Project- no organizasaun rua ne’e espera katak liu husi estabelesimentu infraestrutura ba transporte foun no turizmu iha rejiaun bele hadiak liu tan movimentasaun ba komunidade lokal sira.”
Lansamentu ida ne’e sei realiza iha loron 15 no sei konvida VIP, reprezentante governu no parseiru umanitariu sira.
Relasiona ho aprovasaun husi governu, Voó ida ne’e sei komesa iha loron 20 fulan Marsu. Baihira ami nia servisu ba voó nian hahu ona, billete bele sosa iha Air Timor, no mos ajensia lokal MOSAN iha kada sidade no mos bele sosa direitamente iha edifisiu MAF liu husi numeru Whatsapp.
Komunikasaun sosial: kontaktu Nick Hitchins iha MAF Timor-Leste bai ha numeru telefone +670 7515 1515 ou email maf.timorleste@mafint.org
MAF International (ACN 004 260 860) a registered charity, limited by guarantee
A subsidiary of Mission Aviation Fellowship International, registered in England and Wales as company 3144199
