(Dili) Mudansa – Centru Nasional Chega (CNC) kontinua apoiu no fó asina kontaktu bolsu estudu ba estudante sobrevivente nia oan hamutuk sanulu resin rua (12) nune’e sobrevivente sira nia oan bele orgullu nafatin ho inan aman nia kolen ne’ebé luta ba rai ida ne’e.
Diretór Ezekutivu CNC Hugo Maria Fenandes, informa serimónia atribuisaun bolsu estudu ne’e ba família sobrevivente mukit Liu Sira Nia oan i atribuisaun ne’e bazeia ba Dadus ne’ebé Mak CNC hetan husi asosiasaun vítima, asosiasaun Azar, Hakibiit, ne’ebé durante tinan naruk halo akompañamentu ba Sira Nia inan aman ne’ebé vítima husi funu.
“iha prosesu naruk CNC nu’udar institutu públiku Estadu harii Nia mandatu Ida atu tau matan ba sobrevivente ne’ebé mukit liu husi sira nia oan ne’ebé iha komprimidu boot hakarak atu kontinua estudu maibé husi aspetu finansiál, inan aman sira la iha kbiit entau CNC liu husi atividade programa bolsu estudu atribui ba oan Sira, bele kontinua estudu iha ensinu Superior hodi hakmaan inan aman nia preokupasaun hotu,” dehan Diretor CNC Hugo ba jornalista bainhira hala’o serimónia atribuisaun bolseiru iha salaun CNC Balidi Dili, sesta 31/03/2023.
Diretór Ezkutivu CNC ne’e hato’o, ba bolseiru Sira buat ne’ebé estudante sira simu tenke esforsu an estuda maka’as hodi bele implementa fali iha sosiedade no fó kontente ba Inan aman Sira.
“Bolsu estudu Ida ne’e Sei mais sufisiente ba imi hodi hala’o imi-nia eskola tan ne’e aproveita tempu ne’ebé di’ak, ba Imi na’in Sanulu Resin rua tanba Inan aman Sira simu todan sofrimentu oioin Agora imi tenke halo Morin Sira nia naran selu sira nia kolen ba rai Ida ne’e tanba Sira kontribui tiha ona,” Nia hatutan.
Diretór CNC ne’e esplika, Iha subsídiu bolsu estudu kada fulan bolseiru ida hetan apoiu $150.00, no rekezitus ne’ebé bolseiru Sira tenke iha mak kompromisu katak tenke kompleta Sira nia estudu kuandu falla ne’e la iha tan ona tanba ne’e husu nafatin ba bolseiru sira atu esforsu an bele susesu.
“Ami la tau kritéria dehan mínimu valór tenke médiu hira maibé Sira tenke kompleta Sira nia estudu durante iha tinan hira nia laran termu asina kontaktu ne’e depende tanba balun foin mak hahú i balun semester 3 ona bainhira Sira eskola hotu bolsu estudu mós hotu” nia akresenta.
Iha sorin seluk Diretora HAKBIIT, Manuela Leon Pereira informa, nia sente kontente tanba sira nia esforsu hotu liuliu ba CNC hetan ona rezultadu dezde tinan hira liu ba to’o agora bele estudante sira bele hetan bolsu estudu.
“Hau hanoin orgullu tebes tanba Ida ne’e hanesan símbolu rekoñesimentu Ida ne’ebé aas tebes bele mós hare ba vítima Nia oan Sira, ha’u atu husu de’it Saida mak imi hetan ne’e motiva imi atu estuda di’ak liu tan halo solidariedade hodi bele implementa iha Ita Nia sosiedade halo kontente Ita boot Sira Nia inan aman ne’ebé vítima ba iha pasadu” Nia hakotu.
Estajiadu : Elizio Noronha/Jemidonio Martins
Editor : Orlando Magno
