(DILI) Mudansa – Tivania Cardoso Barbosa karderniza-an iha instituisaun Multi Science Academy (MSA), reprezenta Timor Leste Youth for Peace (TLYP) hodi ba tuir kompetisaun diskursu hamutuk ho nia feto maluk na’in neen (6) no konsege sai manan nain ho titulu The Best Speaker.
Kompetisaun ne’e organiza hosi Uma Amerika iha loron 25 fulan Marsu 2023 ho nia tema “Woman’s Overall in Participation and Performance in History of Education” hodi selebra loron internasionál Feto.
Eventu ba selebrasaun ne’e mai ho forma komtetisaun no expozisaun no heten partisipa masimu hosi Kopetetór feto sira hosi organizasaun oin-oin.
Tivania, aleinde produtu MSA nia mós estudante ativu ida iha Universidade Nasionál Timor Loro-sa’e (UNTL). Fakuldade direitu no departamentu direitu jerál.
“Husi Kompetisaun ne’e ha’u aprende oinsá atu kompete ho kapasidade no ho abilidade tomak ne’ebé ha’u iha, iha tempu ne’ebé hanesan kompriende liutan oinsá atu bele sai speaker ne’ebé di’ak iha future,” dehan Tivania kompetedór MSA via WhatsApp iha segunda, (03/27/2023)
Nia konsiente katak liuhosi prosesu kompetisaun ida ne’e bele Kontribui liutan ba iha nia dezenvolvimentu iha área diskurusu públiku (Public Speaking), lian Inglés no Abilidade Lideransa (Liderships skill).
Ba Tivania konsisténsia no komitmentu mak xave importante atu atinji objetivu ida, oinsá mak atu lori informasaun ba públiku sira atu rona no hafoin hetan informasaun balún sira sei lori ba aplika iha sira nia sosiedade.
kompete ho lian Ingles, Tivania rekoñese lingua sai bareira no difikulta nia iha prosesu maibé tenta atu esforsi hodi lori informasaun ho lingau refere komprova katak la iha liafuan imposivél.
“Pratika utilija língua Inglesa, português ou seja Tetun wainhira atu halo Public Speaking ruma. Dahuluk mak kompriende kontextu ne’ebé ita atu lori no domina kontextu refere. No koko atu prátika, tuir mai maka hato’o informasaun simples ka solusaun simples ne’ebé bele atrai audénsia nia atensaun, hirak ne’e maka maneira konkreta atu bele atinje objetivu refere,” esplika nia
Nia orgollu , hanesan feto la’os hamriik hodi ba tuir kompetisaun de’it, maibé senti orgullu liutan bele reprezenta Feto hotu-hotu hodi hatete ba sosiedade katak “Woman can break the Rules”.
“Ba Ha’u nia maluk Jovem sira, espesialmente ba ha’u nia Feto maluk sira hotu ne’ebé ha’u Hadomi, hatene ita bo’ot sira nia valór no tane a’as ita bo’ot sira nia kompeténsia, la buat Ida se Ita bo’ot sira falla, la buat ida se ita bo’ot sira monu,” motiva nia
Hamriik nafatin hodi la’o ba oin, dalan sei naruk. Tempu no enerjia sira ne’e sei lori Ita bo’ot sira sai one of the best women. Nune’e esforsu nafatin, envolve nafatin ita bo’ot sira nia-an iha sosiedade.
“Mai ita hotu aprende husi falla, atu nune’e tuir mai ita hare’e de’it mak susesu. Ha’u enkoraja atu ita hotu atu tun no taking action, start now my dear woman, your destiny is on the way waiting for you,” enkoraja nia
Aleinde fó hanoin ba Feto sira nia mós enkoraja ba belun Jovem Mane sira, esforsu, pasiensia no kompeténsia ne’ebé ita bo’ot sira iha liuhosi tempu no enerjia refere sei sai rejultadu ne’ebé di’ak ba ita hotu. Nune’e Jovem Timor-oan, jerasaun agora, hamutuk ita tane a’as edukasaun hodi dezenvolve ita nia Nasaun.
Jornalista: Ekipa MD
Editór: Felisberto F. da Costa
