(Dili) Mudansa – Planu ba oin Ministeriu Transporte no komunikasaun sei halo reabilitasaun portu Dili sai fali Portu no sentru turístiku.
Asuntu ne’e hato’o husi Ministru MTK José Agostinho da Silva bainhira hasoru malu ho Sekertario Estadu Komunikasaun Soial (SEKOMS), Juvinal Merisio “Akara” hodi halo meet the press ne’ebé kolia kona-ba Atinjimentu servisu MTK durante mandatu.
José Agostinnho afirma, portu Dili ne’ebé muda ona ba iha Portu Tibar hanesan ema hotu hatene katak buat hotu iha ne’ebá kuaze uza teknolojia.
“Planu ba oin portu Dili sei halo fila fali reabilitasaun No agora daudaun dejain iha ona No portu Dili sei reabilita sai portu sentru turístiku, nia planu ha’u aprezenta ona ba iha reuniaun konsellu ministru, no konsellu ministru mós aprova ona” Dehan Ministru MTK José Agostinho ba jornalista iha salaun Auditorium PCM, Palásiu Governu, Dili, segunda 27/03/2023.
Ministru Jose Agostinho haktuir, kona-ba Ministerio Trasporte Komunikasaun nia servisu tuir orgániku oinsá bele fasilita no ezekuta programa MTK nia no ezekuta servisu ho kualidade tuir lei ne’ebé vigora ona.
“Papel importante MTK nia iha rua mak importante tebes, primeira asegura koletividade, mak hanesan aero, marítima no terestre, segundu mak mellora servisu telekomunikasaun, oinsá bele hetan rede ne’ebé di’ak. Papél sira ne’e mak durante ne’e MTK ezerse,” nia relata.
Estajiada : Isabel de Fatima
Editór : Orlando Magno
