Kalan Boot Ahi Han Edifísiu Rua Iha Kaikoli

banner 120x600

(Dili) Mudansa – Ahi han Motuk edifísiu Diresaun rua ne’ebe hamahan an iha Ministeriu Administrasaun ESTATAL iha Suku Kaikoli Postu administrativu Vera-Crus Munisipiu Dili Akontesimentu insendiu ne’e akontese iha Kinta kalan mais ou menus tuku 12 ho balu, deskonfia Akontesimentu ne’e mosu kauza husi fiu eletrisidade.

Hafoin liu tiha minutu balun ekipa Bombeiru to’o kedas fatin akontesimentu hodi hamate ahi lakan iha edifísiu Ministeriu ESTATAL.

Observasaun média mudansa nia katak, Ahi han diresaun rua iha edifísiu Ministeriu ESTATAL ne’e, kuaze besik oras ida tanba ahi lakan ho intensidade ne’ebé boot maski ekipa Bombeirus to’o kedas fatin akontesimentu rega ahi maibé to’o ikus ekipa Bombeiru konsege hamate duni ahi.

To’o notísia ne’e publika Media mudansa seidauk hetan informasaun klaru husi parte relevante kona-ba kronolojia loloos no mós sasán hira mak hetan estragus husi akontesimentu ne’e.

 

Jornalista : Ekipa MediaMudansa

Editór       : Orlando Magno

banner 325x300