(DILI) Mudansa – Ministeriu Ensinu Superior Siensia no Kultura (MSSK), liu husi Fundu Dezenvolvementu Capital Humanu ( FDCH), halo lansamentu livru kona-ba estudu avaliasaun ba rezultadu programa FDCH tinan 2015 to’o 2020.
Diretór Ezekutivu FDCH Cristovão dos Reis informa, Kulturamente halo avaliasaun ba Fundu Dezenvolvementu Capital Humanu, primeira avaliasaun hala’o iha 2011 no 2014, no ohin segundu avaliasaun ho lansamentu
“Objetivu peskiza ne’e atu avalia programa FDCH nian ne’ebé mak hala’o iha tinan 5 ikus husi 2015 to’o 2020 rezultadu mak hanesan ohin aprezenta i fokus liu mak programa ne’ebé FDCH finansia,” dehan Cristovão ba jornalista iha Salaun Delta Nova, Dili, sesta 24/03/2023.
Nia afirma, prinsípiu Fundu Dezenvolvementu Capital Humanu estabelese iha 2011, to’o ohin loron halo tinan 12 no mós papél FDCH nian atu akompaña rekomendasaun ne’ebé iha liñas Ministeriais sira hodi bele banati tuir.
Nia akresenta, Bainhira liñas Ministeriais sira la banati tuir iha futuru, FDCH sei fó sansaun mak sei la tau orsamentu ba liñas Ministeriais sira ne’ebé la kumpre rekomendasaun husi investigadór ne’ebé universidade sira halo tanba FDCH halo tuir buat ne’ebé prevee ona iha lei planu estratéjiku dezenvolvimentu nasionál.
Iha sorin seluk Pesquisador UNTL, Afonso de Almeida argumenta, peskiza ne’e hala’o iha tinan 2022, no mós programa haat mak hanesan, bolsu estudu, Formasaun tékniku Profesional, Formasaun Tekniku no Outrus Formasoens.
“Husi rezultadu ne’e hatudu katak, iha progresu ne’ebé FDCH nia finansiamentu ne’e informa tanba dadus hatudu katak formasaun ne’e barak liu iha formasaun ba lideransa, língua sira maibé formasaun iha área espesífiku sira ne’e sei menus,” Afonsu akumula.
Jornalista : Esperança Monteiro Soares
Editór : Orlando Magno
